Malaysia thongtla Kawlrammi 120 Myanmar ram ah kuat an si

Malaysia lahwahkah thong (camp) ah a ummi Kawlrammi 120 cu January 8 ahkhan Malaysia Chawlet Phu nih vanlawng a hlan piak hna i Myanmar ram ah an kuat hna.

Thailand ramri ah a ummi Belantik le Tanah Merah lahwahkah thong ah thla 8 hrawng a ummi an si hna.

Lahwahkah thong ah a chuakmi thla 8 bawhte faphir zong an i tel.

“Malaysia ram ah a ruang phunphung ruangah tlaihmi an si. Cu lakah, tang lam in tlun aa timmi Rakhine nu cu nau a pawi lio ah an tlaih.

“Lahwahkah thong ah nau a ngei. Faphir nu le pa te a ngeih hna. Thla 8 fai te lawng an si rih,” tiah KFFS chairman U San Win nih a chim.

Thailand ramri lahwahkah thong ah thlakmi pawl cu tang lam in tlun an timh lio ah nawl ngeitu nih an tlaihmi hna an si.

Cucaah, U San Win nih tang lam in cun tlung hlah uh. Phungning tein tlung uh. Nu naupawimi thong chungah an harsa tuk tiah a chim fawn.

“Airport ah thongtla Kawlrammi pawl changreu le KFC a dang i angki, longyi, phanet, tangka le simcard a petu mibawmtu nan dihlak cungah kan lunglawmhnak kan langhter” tiah Myanmar Tanzung nih a ti.

Myanmar Tanzung palai U Aung Soe Win le Tanzung rianttuan pawl telhin mibawmtu bu pawl nih Kawlrammi pawl cu tlamtling le hnangam tein an tlun khawhnak hnga airport tiang an va thlah hna.

Covid-19 zawtnak um chung ah Malaysia lahwahkah thong 13 ah a ummi Kawlrammi 1,000 leng cu liamcia November thla in khan Myanmar ram ah an kuat cang hna.

Myanmar ram tlung dingin Myanmar Tanzung ah min a pekmi 10,000 leng an si i cu chungah a dam lomi usape in tlun ter an si.

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...