15.9 C
Hakha
Thursday, September 23, 2021
- Advertisement -

Ṭial Tharmi

Malaysia: TGV Cinema an on cang lai

Malaysia cinema company minthang ngai a si vemi TGV Cinema nih September 23 in rampumpi ah cinema zung vialte a on dih cang lai. Raikhamsi tling tein ai chun cangmi lawng zoh khawh asi lai.

TGV MovieClub member pawl cu thaizing September 16 thokin free in zoh khawh asi cang lai. 

TGV Cinema nih, “Nan i ngaih tukmi movie pawl; Black Widow, The Suicide Squad le Jungle Cruise, tbk pawl kan piah colh hna hna lai,” tiin cathanh a chuah.

“TGV MovieClub member pawl cu thaizing thokin September 19 tiang free in zoh khawh asi cang lai.

“September 23 ah rampumpi ah kan cinema zung vialte kan on hlan ah kan seh thilri pawl le COVID-19 zulhphung kan tuahmi pawl hneksaknak caah member pawl ca lawngah piah/on hmasa kan timhnak hi asi.

“Thaizing thokin September 19 tiang hmun 13 ah TGV Cinema kan on cang hna lai. Mah hnu cun rampumpi ah kan on hlan tiang cu hmun 13 ahcun zapi caah ticket le eidin man kan ṭhumh hna lai,” ati.

“Movie ticket cu TGV app ah cawk khawh asi lai. Eidin zong mah app ṭhiam cun cah cia khawh asi lai i a hmun luh hlan ah lak pah khawh asi lai,” ati.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -