14.7 C
Hakha
Wednesday, October 20, 2021
- Advertisement -

Ṭial Tharmi

Malaysia: Tarnu damiah tteih he aa pehtlaimi Myanmar pa 2 an tlaih hna

Nizaan khuadei hlan ah tarnu pakhat cu a umnak Taman Skudai i a inn ah damiahtteih a tong.

Thil a can hi deihlan sml 3:30am hrawng ah a si i kum 65 tarnu cu aa hngilh lio ah mi pa khatkhat nih thlalangawng an hon thawng a theih.

Iskandar Puteri District palek bawi Dzulkhairi Mukhtar nih, “A hmai ah bawngbi chungnawh he lawng a dirmi pa a hmuh i tarnu cu a lau tuk. Mipa cu a takvun nakmi si i ramdangmi si lai tiah a ruah.

“Mipa nih thir fung aa put i tarnu cu au lo ding in le a thil phoih dingin a fial.

“Tarnu nih a ttihtuk caah a fial ningin a tuah. Tlaihhrem a timh nain a tlaihhrem kho lo.

“Mipa nih a tlaihhrem khawh lo caah RM500 rak ka pe a ti i a zaam,” tiah a chim.

Palek nih tarnu chim ning le thil sining an hlat hnu ah lunghrinhmi kum 26 Bangla pa pakhat an tlaih.

Bangla pa he aa bawmmi an si lai tiah zumhmi Myanmar pa 2 (kum 21 le kum 26) zong an tlaih chih hna.

“An pathum ningin construction rianttuanmi an si. Zaanlei 2.30pm ah thil a cannak hmun he a neihnak hmun ah kan tlaih hna.

“Damiahtteihnak ah an hmanmi thir fung, lever, bawngbi chungnawh le phone kan tlaih chih.

“Lahwahkah upadi le fir case in kherhlainak kan tuah,” tiah Dzulkhairi nih a chim.

Myanmar pa 2 le Bangla pa cu palek sakhan ah hren dingin Johor Bahru biaceihzung ah chuahpi an si lai. – NST

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -