Malaysia: State Dang Kal a Ngah Lai Lo

- Advertisement -

January 13 in 26 tiang (ni 14 chung) cu ram pumpi ah state dang kal a ngah lai lo, tiah Malaysia ram hruaitu PM Muhyiddin Yassin nih a thanh.

COVID-19 a karh tuknak hgna lo; pumh, ṭhitum puai, civui, meeting, seminnars, cawnpiaknak le mibu lentecelhnak, tbk. mibu um zeihmanh a ngah lai lo.

“Lockdown (MCO) tuahnak hmun; Kuala Lumpur, Selangor, Penang, Putrajaya, Labuan, Melaka, Johor le Sabah ahcun peng dang kal zong a ngah lai lo.

“Acunglei langhtermi MCO tuahnak hmun pawl cu, January 13 zaanṭim thokin palek nih lam an kham dih lai. Nan inn in 10km hla lawng kal khawh asi lai.

“Nunnak caah a herhmi tirawl cawk nan duh tik zongah chungkhar pakhat in minung 2 lawng i zulh khawh asi lai. Hi zulhphung a buarmi paoh cu minung 1 RM1,000 dantat nan si lai.

“MCO tuahnak hmun um restaurant le rawldawr pawl cu an on ko hna lai nain, ṭhut in ei a ngah lai lo, takeaway (bungus) lawng a ngah lai.

“CMCO le RMCO hmun um restaurant le rawldawr pawl cu COVID-19 zulhphunng (SOP) zulh buin punghman tein on khawh an si ko.

“Online rawl cah cu a ngah ko lai. Supermarkets, clinics, hospital, pharmacies le bank pawl cu an on dih ko hna lai,” ati.

Malaysia Ralkap Vuanci nih, “zulhphung tling cu thaizing (Nihnihni) ah kan thanh lai,” ati ve.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...