15.9 C
Hakha
Thursday, September 23, 2021
- Advertisement -

Ṭial Tharmi

Malaysia: Selangor state sang 500 dengmang ah ti pit lai

Chinmi tampi kan umnak Selangor state sang 463 ah ti a pit lai. Mah ca kan ṭial lio tiang ahcun company nih ‘zei tiang a pih lai kan chim kho rih lo’ ati.

Tu zingka 11:10 am ceo ah Sungai Semenyih Ti Sehzung a thur tukmi an hmuh. Ti an laknak hna a simi Semenyih Tiva a thur tuk caah asi.

Ti Sehzung cu an phih cang, cucaah atu hi sang tampi cu ti a pit pah thluahmah cang lai. Ti a pihnak ding pawl cu Selangor state peng 5:

  1. Petaling (Puchong telh in sang 172)
  2. Hulu Langat (sang 54)
  3. Sepang (sang 194)
  4. Putrajaya (sang 23)
  5. Kuala Langat (sang 20)

Mah peng 5 ah ummi pawl cu ti rak khong cio ulaw.

Atutiang ahcun zei ruangah dah Semenyih Tiva a thur tuk timi an hngal rih lo. A thurnak hram an kawl cuahmah lio asi.

Thawngpang thar a um chom in ram chung medial vialte sin in company nih thawng a thanh lengmang lai.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -