Malaysia rili ah a paammi Chinmi 2 ruak tuni ah an hmuh cang

Date:

Share post:

December 18 ah Port Dickson rilikam ah Christmas nuamhnak an tuah lio ah rili nih a lakmi Chinmi 2 ruak cu tuni December 20 an hmuh cang hna.

Malaysia cozah palik le meithat nih an kawlpi hna

December 18 chunnitlak an kawl hna, nizaan December 19 chunnitlak an kawl ṭhan hna nain an hmu kho hna lo. Tuni December 20 ah an va kawl ṭhan hna i an hmuh hna hi si.

Pu Van Biak Thawng nih a fapa te a rohtak

Hakha peng Malsawm khuami Pu Van Biak Thawng, kum 32 le Tinam khuami tlangval Van Lian Cung, kum 29 cu Christmas nuamhnak tuah dingin hawikom he Port Dickson rilikam ah an kal hna.

Ni 3nk an caam December 18 ah chuncaw ei khawh in nuamhnak kan tuah lai an i lio ah rili nih a lak hna i an tlau, ni 2 hnu tuni lawngah an hmuh hna hi si.

Van Lian Cung

Cozah lei in palik le meithat zung nih biatak tein an kawlpi hna. Port Dickson rili ah midang kal zong an khar chung.

Malaysia cozah palik le meithat nih an kawlpi hna

Anmah he rilikam nuamhnak a kal vemi Pu Biak Ceu Thang nih, “Ni zaan zaan lei ka ṭin lai ah thaizing kan rak don ṭhan hna lai kan ti tak hna bantuk in tuni ahcun kan i tong hna,” tiah tuni ruak an hmuhka ah a chim.

“Sihmanh sehlaw a hlan kan i ton bantuk in capo saih le nih bu in a si ti lo, ka celh bak lo eee. Nain kannih zong ni nikhat cu kan ton hnga dingmi a si ko caah kannih zong Vanram kan rat tik ah kan dongte uh mu,” ati.

Sizung ah an ruak an chiah lio
Sizung ah an ruak an chiah lio
Malsawm khuami nih zahan zaan ah Pu Van Biak Thawng chungkhar ṭhutpinak le a ruak hmuh dingin thlacampinak an tuah lio
Tinam khuami nih zahan tlangval Van Lian Cung ṭhutpinak le a ruak hmuh dingin thlacampinak an tuah lio
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

US Senator Young: Myanmar ralkap hi a tuhmi theipar zunter caan acu cang

US um Chin miphun a kan bawm zungzaltu US Hluttaw Sang MP/Senator Todd Young nih, "Phungninglo Myanmar ralkap...

US Chin company Yoshi nih Chinram dothlennak caah $50,000 a hlut

US ram i Chin company nganbik a simi Yo-Health (Yoshi) nih Chinram dothlennak caah $50,000 (Kawlram ting thong...

Jenevy Sui: Nan thatho seh tiah Dr. Ro Ding bia kaan hrawmh hna

Awṭha minthang Jenevy Sui nih, "Mah ca a reltu paoh nan thatho seh tiin Dr. Ro Ding bia...

Falam pengah Myanmar ralkap 25 an thah chap hna

Falam pengah ralhrang Myanmar ralkap 25 kan thah hna, tiah CNDF nih a chim. January 16 ah 17...