Malaysia: Rengh deuhmi MCO 3.0 zulhphung pawl

- Advertisement -

Malaysia cu COVID-19 zawtnak a karh tuk caah Avoi 3nk Chawvah Khapmi (Movement Control Order – MCO 3.0) kha cozah nih a rengh deuh i May 25 thokin atanglei pawl hi zulh chap asi cang lai:

1. Cozah rianṭuan 80% (cheuli cheuthum) cu zung kai ti loin an inn cio in an ṭuan cang lai. Cozah rianṭuan 80% cu 750,000 hrawng an si.

2. Private company rianṭuan 40% (acheu dengmang) zong zung kai ti loin an inn cio in ṭuanter an si cang lai. 40% cu a minung cun 6.1 million hrawng an si lai.

3. Bus le tlanglawng pawl zong voi dang bantukin minung khat lakin cit a ngah ti lai lo, acheu (50%) lawng luh/cit a ngah cang lai.

4. Kungṭeih le rawldawr (restaurant, food court, food truck, tbk) pawl cu zingka 8am hnu lawngah an on hna lai i 8pm ah an khar dih hna lai. Eidin tirawl dawr, 7-11, KK, 99, ti bantuk pawl zong on le khar caan aa khat dih.

5. Petrol station pawl zong 8am in 8pm tiang lawng on si lai, nain highway ah ummi pawl cu punghman (chun ni tlak zaan khuadei) on si ko lai.

6. Zaan market (ngiah ze) pawl cu 4pm in 8pm tiang lawng on si lai.

7. Sii dawr (pharmacy) pawl cu 8am in 10pm tiang on si lai.

Leng a chuakmi minung tlawm deuh hna seh ti kan duh caah mah pawl hi kan chapmi si, tiah Malaysia Runvennak Vuanci Pu Ismail Sabri nih a thanh.

MCO 3.0 cu May 12 in an tuah cangmi si i June 8 ah a dong ding si. Sauh/lo kong cu cozah nih a chim rih lo. MCO 3.0 ahcun state-dang le peng-dang kal a ngah lo. Pumh, meeting, ṭhitum puai, lentecelh, sianginn kai, ti bantuk vialte khap dih asi. Rawldawr ah ei a ngah lo. Mask hruk loin lengchuah a ngah lo. Rianṭuannak le dawr ah min, phone number le taklinh zong ṭial peng asi.

Mah buin zawtnak a karh tuk caah atu bantukin an rengh deuh i zulhphung an chap hi si. Felfai tein zulhter asi lai caah palek nih lamkham (roadblock) le dantat zong a tam deuh cang lai.

Zulhphung a zul lomi pawl cu minung 1 ah RM10,000 tiang dantat asi lai. Visa a ngei lomi kanmah Chinmi lebang cu tlaih le thongthlak khawh zong asi. A herh lo ahcun vak hrimhrim hlah usih. Cun kan kalnak paoh ah min, phone number le taklinh ṭial philh hrimhrim lo ding, ṭial lo ruangah RM10,000 dantatmi an rammi tampi an um cang.

Rengh deuhmi MCO 3.0 hi ni kum March thla i full lockdawn tluk in a fak lo

Kha lio cun nunnak caah a herhmi sii le rawl dawr lawng on an ngah i adang zeihmanh ngah lo caah Chinmi tampi rian/tangka ngei loin harnak kan tong dih.

Tutan cu thilpuan dawr le sehzung pawl zong ṭuan a ngah ko, nain zung kaimi le a vakmi an zor tuk lai caah customer an tlawm deuh lai i boss te nih dawr kharmi le rianṭuan ter lomi le lahkhah ṭhumhmi an um len lai – harnak cu kan tong ko lai nain aa ning deuh lai.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...