UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

- Advertisement -

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang.

Raikhamsi chunh a duhmi paoh cu Malaysia cozah app MySejahtera download ulaw cuka ah min, phone number, UN card/catlap number le address pek khawh asi. iPhone le Android hi hmet law download khawh asi.

UNHCR card le catlap a ngeimi lawng nih download ding asi lai. UNHCR card le catlap nithla a thi cangmi zong nih pek khawh asi.

App ah min pek a thiam lomi nih atanglei langhtermi pawl hi phone chawnh in bawmh hal khawh an si, tiah UNHCR nih ralzaam bu hruaitu pawl email in thawng a thanh hna.

Anmah hi phone chawnh in bawmh hal khawh an si

UNHCR card le catlap a ngei lomi pawl cu app ah min pek loin acung hmanthlak ah langhtermi phone number pawl ahhin min pek asi lai.

“Nan member pawl thawng rak kan thanhpiak cio hna uh,” tiin UNHCR nih ralzaam bu hruaitu pawl bawmh a hal hna.

Theih hrimhrim ding: Acunglei phone number pawl hi COVID-19 raikhamsi chunhnak caah min pek bawmh halnak lawng asi.

UN card sok, damlo bawmh hal, tlaihkhih ton bawmh hal, tangka bawmhnak hal, tbk ah chawh lo ding.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...