Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, “UNHCR card aa tlaihmi pawl hi hmun dangte ah anmah lawngin umter hna uh tiin kan rammi nih ruahnak an kan cheuh,” tiah media sinah a chim.

“An sang ah ralzaam ummi pawl nih atu bantukin ruahnak an kan cheuh hi si,” ati.

“Nain, ralzaam pawl umnak sang tuah ding cu khua ruah ngaingai a hau.

“Ralzaam pawl umnak ding hmun, inn le saknak caah a dih dingmi tangka zong ruah a hau.

“Ralzaam pawl hi hmun dangah anmah lawngin kan umter hna lai maw timi bia kan khiah hlan ah mah vialte hi ruah dih hmasa an hau,” ati.

Hlan lio Vietnam ral ruangah tilawng in a hung zaammi Vietnam ralzaam pawl cu Malaysia cozah nih Sungai Besi ah ‘ralzaam camp’ a sak i anmah dang tein a rak umter hna. Mah ralzaam camp cu kum 2001 ah an khar.

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...