15.3 C
Hakha
Thursday, September 23, 2021
- Advertisement -

Ṭial Tharmi

Malaysia rammi 8% raikhamsi kan chunh cang hna – Ngandamnak Vuanci Zung

Malaysia rammi 2,618,316 (8%) cu raikhamsi voi 2 cio kan chunh cang hna, tiah Ngandamnak Vuanci Dr Adham Baba nih a chim.

Kan rammi 10% (3.2 million) cu tu thla tanṭim hlan ah tling tein raikhamsi voi 2 cio kan chunh khawh hna lai, tiah Raikhamsi Chuntu Phu (Ngandamnak Vuanci Zung tangum) nih ai tinh.

COVID-19 raikhamsi tam deuh (Pfizer, AstraZeneca, Sinovac, tbk) cu voi 2 chunh a haumi an si. Malaysia ahcun mah phun 3 lawng hi an phan rih. US ser Johnson & Johnson le China ser CanSino cu voi 1 lawng chunh an hau nain Malaysia an phan rih lo.

Vuanci Dr Adham nih, “Nizaan July ahkhan raikhamsi 9 million leng (9,006,715) kan phawtzamh.

“Nizaan lawngah rampumpi ah minung ting 2 leng (206,015) raikhamsi kan chunh hna. Minung 127,385 cu voi 1nak aa chunmi an si i a tangmi 78,630 cu voi 2nk aa chunmi an si,” ati.

Mizaw tambiknak Selangor state ah tling tein voi 2 aa chun cangmi an tam cem i minung ting 3 le cheu dengmang (345,853) an si cang.

A changtu ah Sarawak 299,593 an si. A changtu baak ah;

  • Kuala Lumpur 244,7090
  • Sabah 233,409 le
  • Kedah 193,575 an si.

Acunglei number hi tling tein voi 2 chunh cangmi lawng an si.

Voi 1 lawng aa chun rihmi zong 6.3 million hrawng an si cang.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -