16.3 C
Hakha
Thursday, June 17, 2021
- Advertisement -

Ṭial Tharmi

[Malaysia] Ramdangmi paoh Riantuan Than Khawhnak caah Covid-19 i Test Uh

Malaysia cozah nih, “boss te nih nan rianṭuan ramdangmi vialte Covid-19 an ngeih/lo test ter dih hna uh,” tiin thawng a thanh.

Cucaah, Malaysia um Chinmi tampi zong kan boss nih Covid-19 na ngeih/lo i test hmasa law result a chuah hnu lawngah rian na ṭuan lai a kan ti. Cheukhat cu test ter loin rianṭuan termi zong an tampi ve.

Sinain, test nak kan hngal lo. Test man zeizat a dih lai zong kan hngal lo.

Nizaan ah atang hmanthlak i UNHCR Covid-19 Bawmhhalnak Phone Number hi kan chawnh.

UNHCR Covid-19 bawmh halnak phone number

“Kan boss nih Covid-19 na ngeih/lo i test hmasa law result na kan piah hnu lawngah rian na ṭuan lai a kan ti. UNHCR card le catlap ngeimi khuazei dah kan i test lai, a man zeizat si lai?,” tiah kan hal.

Phone tlaitu holhlet nih, “Puchong ummi cu Serdang Sizung ah i piah khawh asi, RM40 si lai,” tiah a kan leh.

Sinain tuni ah, “mah kha a dik lomi si. Covid-19 zawtnak ka ngei tiin aa ruatmi ca lawngah asi. Zawtnak a ngei lo nain rianṭuan ṭhan khawhnak caah test a duhmi cu khuazei dah test khawh si lai, a man zeizat dah si lai ti zong kan hngal rih lo,” tiah UNHCR nih community sinah ca a kuat hna.

Malaysia cozah nih, “boss te nih nan rianṭuantu pawl cu test man liampiak chung hna ulaw thla fatin an lahkhah chungin tlawmpal tete in nan zuh te hna lai,” tiah a thanh.

Boss te nih, “Malaysia ram chungah phungning tein (work permit in) rianṭuan ramdangmi 2.3 million an um. Minung pakhat test man ah RM350 in RM900 kar a dih lai. Boss te caah a har tuk,” an ti.

Cozah nih, “Covid-19 ruangah ahopaoh harnak kan tong cio. Boss te zong nih nan rianṭuan pawl cu nan chungkhar nan dawt hna bantukin daw hna ulaw ṭuanvo la ko hna uh. Mah tal cu i hne ve uh,” ati hna.

Malaysia um Chinmi tam deuh cu work permit zong kan ngei lo. UNHCR card le catlap lawng aa tlaihmi, cheukhat cu community card lawng aa tlaihmi kan si caah work permit ngeimi nakin a buaithlak deuh.

UNHCR lei in thawngpang thar hngak rih ko hna usih.

Mah lio ah, na boss nih Covid-19 i test an ti ahcun amah sinah i test nak hmun hal law test man liam awk na ngeih lo cun ka liam piak chung ti.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -