July 25, 2021

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai.

Malaysia ram hruaitu Rampumpi Vuancichoh Pu Muhyiddin Yassin nih, “Raikhamsi voi 2 ning tein aa chun cangmi pawl cu khapmi tampi kan dorhpiak hna lai,” tiah a chim.

“Kan dorhpiakmi hna vialte kan fehter dih hnu ah a ningin thawng ka thanh te lai.

Raikhamsi voi 2 aa chun cangmi Suisui. Malaysia um Laimi chungah raikhamsi voi 2 ning tein aa chun cangmi an um pah ve len cang.

State dang ah rianṭuanmi nutung/patung pawl cu state dang kal an ngah lai
Restaurant ah rawl ei an ngah lai
Zatlang cawlcanghnak an tuah kho lai
Zaanglek (sports) an tuah kho lai
Adang zong tampi an zalong deuh lai, hnu ah tling tein ka thanhte lai.

“Mah kan dorhpiak hna thawng hin, raikhamsi voi 2 aa chun rih lomi pawl nakin an zalong deuh lai i an thaw chuak deuh lai,” ati.

Hmasa thawngpang

Aung La i phomh dingin Singapore a phan cang, a sung hoi hnga maw?

Hnu thawngpang

CDF caah $5,000 thap in Rung Lian Ceu le Biak Hmun Sang an i phomh lai

Lian https://thechinexpress.com

Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.