Malaysia Puchong ah Myanmar puaisa 1 le Myanmar rammi 10 an tlaih hna

Malaysia puchong ah Myanmar puaisa 1 le Myanmar rammi 10 an tlaih hna

September 30, 2019 ahkhan Puchong bus stop pakhat ah Myanmar puaisa pa an tlaih.

“Kan tlaihmi Myanmar puaisa pa cu UNHCR card aa tlaihmi a si,” tiah Malaysia ram palek bawizik Tan Sri Abdul Hamid Bador nih a chim.

“Cuka hmun ahcun a dang Myanmar rammi 3 zong kan tlaih chih hna.”

“Cun, Puchong khua ah a ummi inn pakhat cu kan luhhnawh i Myanmar rammi pa 7 kan tlaih chap hna.”

“Myanmar rammi 11 cu Lahwahkah Upadi 1959/63 in taza kan cuai hna.”

“An dihlak in phungninglo in Malaysia ram ah luhpimi an si.”

“September 22 in 25 kar ah Klang Valley, Kelantan le Penang ah tlaihkhihnak kan tuah i Kawlrammi 71 le anmah he aa bawmmi Malaysia rammi 6 kan tlaih hna.”

“Myanmar rammi pawl Thailand in Sungai Golok in Rantau Panjang (Kelantan) ah a luhpi hna hnu ah Malaysia ram chung hmun zakip ah an tthek hna.”

“Kan tlaihmi hna hi Malaysia rammi telh in cun an dihlak minung 94 an si. Nu 14 telhin Myanmar rammi 88 an si i cu chung ah pa 5 cu puaisa an si,” tiah Hamid nih a chimchap.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.