10.9 C
Hakha
Thursday, February 25, 2021

COVID-19

Vawleipumpi
113,246,395
A zawmi
Updated on February 25, 2021 4:09 pm
Vawleipumpi
2,511,711
A thimi
Updated on February 25, 2021 4:09 pm
Vawleipumpi
88,805,326
A dammi
Updated on February 25, 2021 4:09 pm

Malaysia: Pu Van Lian Thang ruak thaizing Kawlram an kuat lai

Advertisement

Kuala Lumpur — January 3 zaan 11pm ah hri awk in a nunnak ai lami Pu Van Lian Thang ruak cu January 8 ah vanlawng in Kawlram kuat dingin kan timh lio si, tiah Malaysia Kawlrammi ruakvui bawmtu bu ‘Kepong Free Funeral Services’ nih tuni ah thawng a thanh.

Pu Van Lian Thang cu Kuala Lumpur i Laimi tampi an umnak Jalan Loke Yew sang ah a ummi si. An umnak inn chungah hri aa awk hi si. Zei ruang dah a nunnak aa lak ti cu hngalh a si lo.

Hakha peng, Buanlung khuami a si. Mino te, kum 23 a si.

A nupi le thla 1 an fapa a kaltak hna. Nupi a ngeihnak zong a sau tuk rih lo. December ah fapa duhnung te an ngei.

Tantakmi a nupi pi a ngaihchia tuk hringhran.

A nupi nih, “Ka dawt zei ton dah kan ton ee, ziah a sau deuh in khua na kan ruah piak lo ee pasal na si lo ma na kan kal tak tuan tuk ee na nu pi le na fa te nih kan in ngaih tuk cang ee kan i lung sak kho hrimhrim lo ee ka dawt, rau thla te in kan um pi mu,” tiah January 4 ah ngaihchiatnak ca a ṭial.

Tuni ah, “Ma hi ma kan tuan bia Tawi si cang a van aw kan in sing lo ti zong ah zei San thla ti lo mu zeite hi dah na calh lo bik mi si ee ka dawt ziah naka chim ve lo zei theih lo te cun na thuar ee ka zan mang ter ah rak ka chim ve te mu ka mit a mui Van ka zoh a sang vawlei ka zoh a pit zei tiang hi dah na zun in kan rak tuar lai ee na fa te nih pa pa ti ho dah au lai.

“Zeitin ka rak hmen lai kan ca na rak kan hruai piak lo na lung Tawi tuk ee ma ti hin um ding hi nakan siang ko ma kan i lu si kho lo ee na hawi kawm na u nau na chungkhar ni kan thuar tuk ee siang lo bu te in mang tha chung mu ka dawt a van,” tiah a ṭial.

Tantakmi a nupi le an fapa kong ruah ah thinlung nih a celh hin lo. Kan biak Pathian tu nih hnem in lam hruai ko hna seh.

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
113,246,395
A zawmi
Updated on February 25, 2021 4:09 pm
Vawleipumpi
2,511,711
A thimi
Updated on February 25, 2021 4:09 pm
Vawleipumpi
88,805,326
A dammi
Updated on February 25, 2021 4:09 pm
- Advertisement -