16.3 C
Hakha
Thursday, June 17, 2021
- Advertisement -

Ṭial Tharmi

Malaysia PM: Ram pumpi lockdown kan tuah lai lo

Covid-19 zawtnak a karh tuk ko nain kan ram pumpi cu kan lockdown lai lo, tiah Malaysia ram hruaitu Pu Muhyiddin Yassin nih tuzaan 6pm ah TV in thawng a thanh.

“Kan ram pumpi lockdown kan tuah tthan ahcun mipi khuasak tintuknak le kan ram sipuazi fak tuk in a hnorsuan lai.

“Ram pumpi lockdown loin Covid-19 mizaw an tamnak hmun tete lawng lengchuah kan phih (lockdown = EMCO) lai.

“Culawngah, Covid-19 mizaw an um lonak hmun pawl ah Covid-19 zulhphung (SOP) zul in aho paoh rianttuan le cawlcangh khawh a si lai,” tiah Pu Muhyiddin nih a chim.

“Zawtnak karh chin lengmang ahcun ruah lo piin sianginn khar le state khat le khat kar ramri zong khar a hau te kho men.

“Nain, Ngandamnak Vuanci Zung nih khar a hau a ti lawngah kan khar lai.

“Khar ding a si ahcun state dang ah nan i tap nak hnga lo a hlankan pi in thawng kan thanh lai tiah bia kan kamh hna.

“Mizaw an tamtuknak Sabah state ramri cu October 12 in 25 tiang kan khar lai.

“Covid-19 zulhphung (SOP) hi mirum, sifak le bawi ti um loin zul cio usih. A zul lomi cu upadi ningin dantat nan si lai” tiah Pu Muhyiddin nih a ti. – The Star

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -