Malaysia PM: Raikhamsi voi 2 ningin aa chun cangmi KL le Selangor mipi caah ‘dawr phun 11 on ngah cang lai’

- Advertisement -

Malaysia ram hruaitu PM Muhyiddin Yassin nih, “‘Ram Damnak Simanking dot 1’ tiin kan auhmi lockdown fak bik in tuahmi state 6 ah thaizing August 16 thokin dawr phun 11 on an ngah cang. Nain, raikhamsi voi 2 ning tein aa chun cangmi ca lawngah asi lai,” tiah tuni ah thawngthanh.

Ram Damnak Simanking dot 1nk‘ an timi lockdown fak bik state le territory 6 cu:

  1. Selangor state,
  2. Kuala Lumpur territory, 
  3. Negri Sembilan state, 
  4. Johor state, 
  5. Melaka state le 
  6. Putrajaya territory hna hi an si.

On ngahmi dawr phun 11 ahcun raikhamsi voi 2 ning tein aa chun cangmi lawng luh khawh asi lai.

“Cucaah, ahlei in Klang Valley (KL, Selangor, Putrajaya, tbk) um raikhamsi voi 2 ning tein aa chun cangmi pawl cu an zalong deuh ngai lai.

“On ngahmi dawr phun 11 hna cu:

  1. Sammehnak dawr (sam meh lawng ngah lai)
  2. Mawṭaw ṭawlnak dawr
  3. Electric thilri dawr
  4. Innchung le coka thilri zuarnak dawr
  5. Seṭi (furniture) dawr
  6. Lentecelhnak (sport) thilri dawr
  7. Mawṭaw remhnak (workshop) dawr
  8. Thilpuan dawr
  9. Zingze (Pasar Pagi) le lothlo market (Pasar Tani)
  10. Suingun ṭhi, hrolh, tawnh dawr le
  11. Mawṭaw zuarmi hmuhsaknak dawr (car sales showrooms) pawl an si.

Malaysia um Chinmi cu KL le Selangor deuh lawngte ah kan um hna. Dawr on an ngah lo caah rianṭuan kho loin inn man pek awk harsa takin thla 3 hrawng kan i erh cang. Thilpuan dawr, sammehnak dawr, electric thilri dawr, workshop, suingun dawr, tbk ah a ṭuanmi kan tam ngai. Thaizing thok cun kan boss nih rianṭuan termi kan um pah cang lai tinak asi.

“Dawr chungah mileng khat lakin nan luhter hna lai lo. COVID-19 zulhphung felfai tein nan zulhter hna lai. Dawr rianṭuan nih kuthruk nan i hruk lai. Thilpuan dawr ahcun ‘i tah’ ngah lai lo.

“Customer nih raikhamsi voi 2 ning tein nai chunhnak certificate (MySejahtera app) kha dawr kutka hram ah nan piah hnu lawngah luhter nan si lai,” ati.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...