20 C
Hakha
Monday, July 26, 2021
- Advertisement -

Ṭial Tharmi

Malaysia PM hlun Pu Najib Kum 12 Thong an Thlak

Malaysia cozah hruaitu Prime Minister hlun Pu Najib Razak cu cozah zung a simi 1MDB tangum SRC International tangka ningcang loin na tuah tiin tuni ah High Court nih kum 12 thong a thlak pinah tangka RM210 million dan a tat chih.

High Court biaceihtu Mohd Nazlan Mohd Ghazali nih Najib cu a nawlngeihnak ningcang loin a hman, zumh awk tlak loin cozah rian a ṭuan, phungninglo in cozah tangka a chuahter, tiin kum 12 thong le tangka RM210 million dan a tat hi si.

Tangka RM210 million dantatmi hi a liam lo ahcun ahlei in kum 5 thongthlak chap asi lai, tiah bia a khiah.

Sinain, Pu Najib Razak nih Nawlnak Biaceihzung (Court of Appeal) ah nawlnak a tuah i aphi chuah hlan cu thong ah khumh rih lo ding asi lai, amah balte thaizing hrimhrim ah RM1 million in minung 2 nih aamahkhan piak hna seh, ati.

Malaysia ram ahcun High Court hi biaceihzung sangbik 3nak lawng asi. A cungah Court of Appeal a um. A sangbikmi cu Federal Court asi.

Tuni biaceihzung ah an chuahpi lio

Najib cu ni kum zongah biaceihzung ah RM1 million in amah a rak khan cang, tutan he cun amahkhannak ah RM2 million a hman cang lai tinak asi.

Mah pinah, Najib cu thla fatin voi 2 peng a duhnak palek sakhan paoh ah thla ni 1 le ni 15 pengah ‘ka um ko, ka zaam lo’ tiin thawng thanh peng hna seh, tiin biaceihtu nih nawl a chuah.

Najib sihni Tan Sri Muhammad Shefee Abdullah nih “thaizing a dongh hlan ah amahkhannak tangka RM1 million cu biaceihzung ah kan rak chiah ko lai” tiah biaceihzung ah a chim. — The Star le NST

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -