8.2 C
Hakha
Tuesday, December 10, 2019
More

    Malaysia palek tlaih a ttih tuk ruangah Thailand nu a zun aa ceh

    Penang ah a ummi hotel pakhat ah arnu a ttuanmi Thailand nu pakhat cu palek tlaih a ttih tuk ruangah a zun aa ceh. Palek nih hramhram in an innkhan kutka an baoh hnu ah a zun aa ceh hi a si.

    Zahan zaan sml 9 hrawng in zaamtim tiang Malaysia palek le lahwahkah i bawm in Penang khua um hotel, malitnak dawr le phungninglo ramdangmi an umnak inn si ttheu lai tiah ruahmi inn pawl ah tlaihkhihnak an tuah.

    State lahwahkah bawi Mohamad Husni Mahmud nih “Indonesia nu 12, Indonesia pa 7, Myanmar pa 5 le India nu 1 kan tlaih hna. An dihlak in lahwahkah upadi in tazacuai an si lai” tiah a chim.

    Kum 26 simi Thailand nu umnak innkhan cu palek nih an kingh. Sml 1 chung dengmang an hngah nain a chuah duh bal lo caah a innka cu an baoh lawlaw.

    Palek nih a innkhan innka an boah ahcun Thailand nu cu a ttap len.

    “Hotel ah arnu a ttuanmi Thailand nu 6, Indonesia nu 2 le Vietnam nu 1 kan tlaih hna” tiah Penang khua palek bawi Datuk Zainol Samah nih a chim.

    “Tlaihkhihnak kan tuah lio ahhin ramdangnu pawl nih an innkhan chung cio ah an customer pawl an numhpi hna lio a si. An dihlak in North-East District Police headquarters ah kan kalpi hna. Thil sining kan hlat tikah wechat app hmang in customer an kawl i voi1 ahhin minutes 45 ca in tangka an liamter hna,” tiah a chimchap.

    Nawlnak: Kan website chung ca le hmanthlak hi website dangah copy piak lo dingin kan in nawl hna.
    Hniang Zi
    Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.

    Caṭialtu ṭialmi dang

    Ṭial Tharmi

    - Advertisement -