Malaysia palek nih Kajang khua ah mi inn ah a lut i thil a firtu minung 4 cu thilak in meithal in an kah hna.
“Taman Segar Perdana ah a ummi chungkhar pakhat cu mifir 4 nih hriamnam he September 23, zinglei sml 7.30 hrawngah an luhhnawh hna.”
“Namtong aa putmi mifir 4 nih minung 5 simi chungkhar pakhat cu inn chung rawleinak khan ah an um ter hna i an inn chung an rawk dih. Ramdang tangka le RM telhin sui, thil mansung an lak pin ah inn ngeitu Mercedes motor in an zaam,” tiah Selangor palek bawi Datuk Noor Azam Jamaludin nih a chim.
“Vanchiat tongmi chungkhar nih an motor kawlpiak dingin palek an chimh hna. Palek nih motor cu an kawl i damiah tteih an ton sml 2 hnu hrawng ah Sky Park apartment inn tangah motor cu an hmuh.”
“Palek nih motor cu neih an timh ah ruah lo piin namtong aa putmi pa nih a hun chuahhnawh hna. Cun, ruah lo piin meithal puah thawng an theih caah mah le mah vennak caah palek nih meithal an hman ve.”
“A hmun ah an dihlak in an thi. Anmah chung ah pakhat cu kum 35 hrawng a si i thilfir, damiah tteih le rithaisii kongah voi 20 upadi a buar bal cangmi a si,” tiah Selangor palek bawi Datuk Noor Azam Jamaludin nih a chimchap. – The Star
