Malaysia palek nih lahwahkah officer deu 3 an tlaih hna

- Advertisement -

Malaysia palek nih Pinang state um Auto City ah Indonesia nu 2 a hlengtu lahkahkah rianttuan ka si aa ttimi pa 3 cu October 19 zinglei ah an tlaih hna.

October 18 chung sml 12.30 hrawng ah pa 3 cu Proton Persona motor an i cit i Taman Pelangi ah bia aa ruahmi Indonesia nu 2 an dirter hna i lahkahkah rianttuan kan si an ti hna.

Seberang Perai Central District palek bawi chang Nik Ros Azhan Nik Abdul Hamid nih “lahwahkah rianttuan ka si aa timi pa 3 nih cun tlaih nan duh lo ahcun RM2,000 liam uh an ti hna. Cun, an motor chung ah an luhter hna” tiah a chim.

“Indonesia nu pakhat nih RM600 leng a pek hna i mah leng cu ka ngei ti lo a ti hna. Nain, pa 3 nih an duh lo i RM2,000 a tlinnak dingah a tangmi va khang an ti i motor in an ttumter.”

“Nain, a hawinu Indonesia nu pakhat cu motor chung in an ttumter duh lo. A tangmi tangka khang dingin an thlahmi Indonesia nu cu a lungrawk tuk i inn pawng pa le Malaysia rammi pa pakhat sinah an si ning cu a chim i tangka a cawi hna.”

“Pa 2 nih Indonesia nu cu an zaangfak tuk i a hawinu umnak cun an zulh. Lahwahka rianttuan ka si aa timi pa 3 nih Auto City ah a ummi rawldawr pakhat ah zaantim sml 1 ah na rak put hrimhrim lai an ti.”

“Rawldawr pawng an phak ahcun lahwahkah deu pa 3 lak ah pa 1 le a hawinu cu motor chungin an ttum. Tangka a lak manh hlan ah mipa cu pa 2 nih an tlaih.”

“Motor chung um pa 2 nih an hawipa an tlaihmi an hmuh cun an motor in an zaam colh. Nain, pawngkam aa chawhmi palek nih an tlaih khawh tthiam hna.”

“Indonesia nu 2 cu sehzung ah rianttuanmi an si. Kum 34 in kum 46 kar mihrokhrol pa 3 cu kan tlaih khawh cang hna i Sualnak Upadi Dal 170 le Dal 384 in an kongceih a si lai” tiah Nik Ros Azhan nih a chimchap.

Ṭial Tharmi

Kalaymyo ah Quarantine lutmi minung 7 tazacuai an tong

Sagaing ramtthen, Kalaymyo ah Quarantine Center ah a lutmi minung 7 cu zuu an ding i sianginn kutka an hrawh caah ram...

Malaysia Covid-19 mizaw thar 95, a thimi 1

Tuni September 18 ah Malaysia ram ah Covid-19 mizaw 95 an hmuhchap hna i zawtnak ngei hmuhmi dihlak 10,147 an si cang.

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...
- Advertisement -