Malaysia pa nih voi 1 ah nupi 2 a tthit

Malaysia pa nih voi 1 ah nupi 2 a tthit

Sabah state, Semporna khua ah a ummi Amin timi pa nih voi 1 ah nupi 2 a tthit i an hmanthlak cu online ah a lar taktak.

Amin hi a hramthok ah Lena Saleh timi nu he hamnak an tuah. Nain, rian ruangah hmun dangdang ah an um. Lena cu Kota Kinabalu khua ah a um.

Mah lio cun Amin cu Mabul Island ah rian a ttuan ve i Aini Said timi nu he an i duh. Umh an tim nain a nungak/nupi Lena kha a philh kho ti lo. Cu ruangah an pahnih in tthit a timh hna.

Kap 3 chungkhar an i tong i lungtlinnak an ngeih hnu ah Lena zong khua ah a tlung ve i Ningani ahkhan thitumpuai cu an tuah.

Amin nih nupi 2 thit ka duh a ti lio ah a uncle cu minutes 5 hrawng mah hngal loin a tlu.

Online ah hmanthlak a tartu hi Lena chungkhat pa Jimmy Satan ti a si. An nih hi Kota Kinabalu khua ah motor mong rian a ttuan.

“Ka rian ruangah puai ka zawh kho lo. Puai zawh kho ve lomi kan chungle nih an hmanthlak le video an ka hal ruangah Lena cu an puai hmanthlak ka hei hal. A ka kuat bak in Facebook ah ka tar colh ve.”

“Mahtluk in a lar lai ti ka ruat lo. Singapore le Indonesia in thawngla tampi nih an ka chawnh,” tiah Jimmy Satan nih a ti. – MStar

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.