Malaysia pa cu a fanu-ei a tlaihhrem ruangah kum 1,050 thong an thlak

- Advertisement -

Malaysia biaceihzung nih a fanu ei a tlaihhremtu pa cu January 27 ahkhan kum 1,050 thongthlak dingin bia a khiahpiak.

Mipa cu a min an langhter lo i rian ngei lomi a si.

Kum 2 chungah a fanu ei cu voi 105 a tlaihhrem.

Tazacuaitu sihni Nurul Qistini Qamarul Abrar nih mipa cu fak piin dantat dingin biaceihzung ah a hal.

Mipa cu kum 1,050 thong thlak lawng siloin voi 24 fung tuk si lai.

Biaceih bawi M Kunasundary nih mipa cu an rak tlaih ni thok in voi 1 tlaihhrem ah kum 10 thongthlak le fung voi 2 tuk dingin nawl a chuah.

Biaceihzung ah mipa taza an cuainak catlap rel ah suimilam 5 dengmang an rau.

“Tuksapur a si pinah a faei a hmailei a hrawhpiak si.

“Thonginn chung ah na sual naa ngaichih lai tiin kaa ruahchan. Dantatnak hi a hme tuk ko nain hi bantuk cu na rak tuah awk si lo. Nain, biaceihzung nih dan an pekmi hi a za ko tiin kan ruah,” tiah biaceih bawi M Kunasundary nih a chim.

Sihni Nurul Qistini Qamarul Abrar nih, “Mipa nih a hmasabik a tlaihhrem ahhin ngakchia nu cu kum 12 lawng si rih. Kum 2 chung ah voi 105 a tlaihhrem.

“A paei sinak in ngakchia nu cu zohkenh le kilven ding tu si nain a hrawh lehlam. A thil tuahmi nih ngakchia nu cu a nun chung a thinphang peng lai,” tiah a chim. – The Star

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...