Malaysia nuhmei 4 nih anmah lawngin an fale 13 an cawm hna

- Advertisement -

Kelantan state, Kota Bahru khua i Kampung Wakaf Stan ah a ummi nuhmei 4 nih kumtling rih lomi an fale 13 cu anmah lawngin an cawm hna.

Nuhmei 4 cu kum 35 in kum 70 kar an si hna i fa 20 an ngei. Mah chungah ngakchia 10 cu sianginn kai liomi an si. Ngakchia 3 cu sianginn kai an cu rih lo. A dang 7 cu an nule cawm hau ti loin an mah tein rianttuan cangmi an si hna.

Nuhmei pakhat Nor Riyah Mohd Akil (kum 38) cu kum 2 in kum 16 kar fa 7 a ngei.

A va Mohd Faisa Abdullah nih kan hnu thla ahkhan lungtor zawtnak in a thih tak hna.

“Ka nu inn ah kan chungkhar in kan umnak hi kum 15 leng si cang. A vapa hi a nun lio ah rian sawhsawh a ttuan. A nung fangfang te kan si. Nifatin kan chungkhar dinei awk le hman awk caah sumsih khak tak in kan nung. Ka chungkhar cawmkennak caah pakhat khat ka tuah a hau,” tiah Nor Riyah Mohd Akil nih a chim.

Nor Riyah Mohd Akil cu a tu hi Misifak Bawmhnak Zung ah rian a sok lio a si.

A dang nuhmei Norizah Hassan (kum 49) nih fa 9 a ngei i, ka vantthatnak ah ka fale 4 cu rian an ttuan cang tiah a chim.

“Ka va Mohd Noor Deraman nih tu kum March thla ahkhan a kan thih tak. Keimah lawng nih ka fale ka zohkhenh hna i a har tuk hringhran. Mah lio ahcun ka fale 4 nih sianginn kai an i phuak i rian an ttuah. Pathian (Allah) min ka thangthat. Ka fale 4 nih an kan bawmh tuk. Cun, state bawmhnak zung nih thla fatin RM200 a kan bawmh,” tiah Norizah Hassan nih a chim.

A dang nuhmei 2 cu kum 40 le kum 70 an si. An pahnih in an vale nih kum 2011 ahkhan an thih tak hna. fa 2 veve an ngei. – NST

Ṭial Tharmi

Malaysia Covid-19 mizaw thar 95, a thimi 1

Tuni September 18 ah Malaysia ram ah Covid-19 mizaw 95 an hmuhchap hna i zawtnak ngei hmuhmi dihlak 10,147 an si cang.

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...

Australia Citizen Soknak Thawngpang Thar

Tu kum November thla tanṭim in cun rammi sinak test (phitnak) ah Australia ram sunsakmi nunphung kong telh a si cang lai. 
- Advertisement -