Malaysia nu nih Chin ralzaam ngakchia fimcawnnak ‘Zophei Learning Centre’ caah bawmh hal

- Advertisement -

Kuala Lumpur — Malaysia rammi Tuluk nu Fan Eemei nih Pudu um Chin ralzaam fimcawnnak Zophei Learning Centre caah online in bawmh a halpiak hna.

Fan Eemei cu Zophei Learning Centre ah zaanghleicawi in Chin ralzaam ngakchia pawl ca a chimmi si.

Mah sianginn ahhin Chin ngakchia 62 an um. Pre-school in secondary education tiang a kaimi an si hna.

Fan Eemei nih, “an sining thlen ka duh caah zaangleicawi in ca ka chimhmi hna si,” tiah The Star thawngzamhca ah a chim.

“Chin ralzaam nih anmah tein an i tuahmi cacawnnak/sianginn asi caah thilri an chanbau tuk.

“Kei hi thluachuah ka hmu tuk, i anmah zong keimah bantuk si ve hna seh ti ka duh caah zaanghleicawi in ca ka chimhnak hna asi. A vanchiami hna nunnak thlen ka duh.

“Keimah tuahsernak nihhin hmailei ah thilṭha tuah duhnak nun ngeihter ve hna seh ti zong kai ruahchan.

“Hmai thla khi kum 40 ka tlin, ka chuahni asi. Chuahni lawmhnak puai tuah a uar tukmi ka si. Vanchiat ah, chuahni lawmhnak puai a tuah kho lomi tampi an rak um.

“Cucaah tutan cu phun dang tein le sullam ngei tein ka chuahni tuah ka duh. Mi sin in ngah loin, keimah nih mi caah tuah ka duh.

“Ca ka chimhmi Chin ngakchia pawl hi kum 8 in kum 10 kar an si. An caah bawmh ka halpiak hna lio asi. $1,500 (RM6,280) hmuhpiak kho hna ning ti ka duh.

“Rawl le khaan chung pakhatkhat tuah in nuam tein le an dihlak holh cio dingin cacawnpi ka duh hna, nain an sianginn ah thilri a tling lo tuk i an cawnning quality a chia tuk.

“An sianginn ah khung le ṭhutden lawng um. Sport, art le ca asi lomi adang cawlcanghnak tuahnak hmun a um lo.

“Mi vialte hi hlawhtlinnak caanṭha an ngeih dih awk si tiah ka ruah. Namnehmi, sifak le mi vanchia hna hrim hi hlawhtlinnak caanṭha ngeihter ka duh hna.

“Biatak chim ko ahcun, sifahnak le harsatnak chungin luatnak lam cu fimthiamnak lawnglawng asi.

“Ca ka chimhmi ngakchia tampi cu vitamin zong an bau.

“Nuam tein le aho paoh cawlcang cio in fimthiamnak kan cawnpi hna ahcun cawn duhnak an ngei lai, i ruahnak ṭhalo le thil ṭhalo tuah duhnak a ngeihter hna lai lo.

“Bawmh ka halpiakmi hna cu, November 20 khi vawleipumpi Ngakchia Hna Ni asi caah mah tikah leng chuahpi ka duh hna.

“A hleimi cu an cacawnnak thilri le ngakchia ca rawl cawknak caah hman asi lai. Voi dang leng an chuahnak ding le khaan chung lentecelhnak ca zongah hlei rih seh ti ka duh.

“Bawmh ka halpiakmi hna cu ka chungkhat le hawikom sin, le social media ah ka cawngia peng.

“Ramdang um ralzaam bawmtu pawl sin zongah thawng ka thanh hna.

“Ralzaam hna bawmh cu mi vialte kan rian cio asi tiah ka ruah. Ahopaoh paoh hawi bantukin hllawhtlinnak caanṭha an ngeih cio awk asi.

“Bawmh halnak cu November 10 tiang si lai,” tiah a chim.

Mah hi hmet law Bawmhnak pe ve

Ṭial Tharmi

Kalaymyo ah Quarantine lutmi minung 7 tazacuai an tong

Sagaing ramtthen, Kalaymyo ah Quarantine Center ah a lutmi minung 7 cu zuu an ding i sianginn kutka an hrawh caah ram...

Malaysia Covid-19 mizaw thar 95, a thimi 1

Tuni September 18 ah Malaysia ram ah Covid-19 mizaw 95 an hmuhchap hna i zawtnak ngei hmuhmi dihlak 10,147 an si cang.

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...
- Advertisement -