Malaysia: Nizaan ah COVID-19 mizaw 31,000 leng bak an hmuh hna

- Advertisement -

Malaysia ah tuksapur in COVID-19 zawtnak a karh. Nizaan ni 1 chungte ah zawtnak hrik ngei thong 31 leng (31,005) bak an hmuh hna.

Vanchiat lei vanṭhat ah an dihlak dengmang (99.39%) cu fak in an zaw lo. A zei taktak hmanh ti lomi zong an tampi.

Fak piin a zawmi cu minung 194 lawng an si, tiah Ngandamnak Vuanci Zung i director-general Dr. Abdullah nih tuni ah a thanh.

194 chungah 92 cu kum 60 cung lawngte an si. 91 cu zawtnak dang a ngei chihmi an si i 3 cu naupawi lio nu an si.

Nikum COVID a karh tuk lio ah mizaw thlopnak an onmi cu zawtnak a thiang deuh cang tiin February zarh 1nk ah an khar nain zawtnak a karh tuk than caah atu an on than

Minung 45 cu raikhamsi aa chun lomi an si. 108 cu voi 2 lawng aa chun i voi 3nk aa chun lomi an si. 41 cu voi 3nk zong aa chun komi an si.

UNHCR Thawngthanh

“Malaysia ah COVID-19 zawtnak a karh tuk caah raikhamsi aa chun rih lomi le voi 3nk aa chun rih lomi ralzaam vialte a rannak in chunh i zuam cio uh…,” tiin UNHCR nih tuni ah ralzaam bu pawl thawng a thanh hna.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...