23.2 C
Hakha
Saturday, February 29, 2020
More

    Malaysia nih UN Card Ngei Telh in Chinmi 28 Hrawng a Tlaih Hna

    Follow Us

    99,932FansLike
    441SubscribersSubscribe

    Ṭial Tharmi

    - Advertisement -

    Kuala Lumpur — Chinmi tampi kan umnak Pudu sang i Jalan Pasar um rawldawr cu January 15 ah lahwahkah nih an luhhnawh i rianṭuantu Chinmi 10 an tlaih hna, tiah Chin Refugee Committee (CRC) in thongtla bawmtu Saya Pa Kulh sin in kan theih.

    “Nu 9 le pa 1 an si. Atutiang an hren peng hna. Nu 4 cu UNHCR card an ngei i UNHCR sinah thawng kan thanhpiak cang hna. Tu thla dongh hrawng ahcun UNHCR nih a chuah khawhte hna lai tiah kan zumh.

    “Adang 5 cu UNHCR card an ngeih lo caah chuah khawh an si lo. Biaceihzung ah tazacuai an si lai i thla 3 hrawng thongpi ah an tlak hnu ah lahwahkah thong/camp ah ṭhial in Kawlram kuat an si te lai.

    “An tlaihmi hna cu Hakha, Thantlang le Matupi peng an si hna.

    “Cun, zahan ah Loke Yew um Chin pa pakhat a rianṭuannak ah an tlaih ve. UNHCR card a ngeimi si caah lahwahkah nih UNHCR sinah card dik a si/lo an check lai i ni 14 hnu ahcun an thlah ko lai.

    “Atu lio hi keimah nih ka theih tawk ah tlaih tong Chinmi 28 hrawng an um. UN card a ngeimi cu 10 an tling lo,” tiah CRC in Saya Pa Kulh nih a chim.

    Mah pinah, ACR le FRO member zong tlaihmi an um ve len, tiah kan theih.

    Malaysia ah UNHCR card ngei lo Chinmi thong tampi kan um rih. Kan umkalnak ah ralring tein um khawh i zuam hna usih.

    Ralrin Peknak

    UNHCR card ngei lo pawl cu palek le immigration nih check ahcun tlaih lengmang asi i vansan cio asi. Mah cu mi hrokhrawl pawl nih caanṭha ah an i lak i ‘tlaih luatnak asi’ tiin card phunphun tangka a thongthong in an zuarh hna.

    Work permit le visa a ngeimi lawng immigration kut in luat khawh asi. UNHCR card zong CRC, ACR, FRO, tbk., nih biatak tein bawmh ahcun hnu ah luat khawh asi ve.

    Card dang paohpaoh; MyRC Card, PEKA Card, tbk., cu tlaih luatnak an si lo. Mi nih an chimmi i zumh in caw hna hlah uh. Lahwahkah kut in nan luat kho lai lo.

    PEKA card hoi hna cu Malaysia cozah nih a tuahmi si lo i cozah minthut zong a um lo, cozah nih a theihpi mi si lo. An hlen khawh huaha lomi paoh RM500 in an zuarh hna. Hi cu aa ka zumh tuk ko hih ti an theihmi cu RM3,000 hna in an zuarh hna.

    Zei thei huaha lo palek cheukhat cu CRC, ACR, FRO, Kachin Refugee Card, MyRC card, PEKA Card, tbk., i tlaih zongah chim thiam pah ahcun an thlah ko hna nain thil a theimi palek kut cun luat khawh asi lo. Lahwahkah (immigration) kut hrim cun hohmanh luat khawh asi lo.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.