23.2 C
Hakha
Saturday, February 29, 2020
More

    Malaysia nih sml 24 chungah phungninglo ramdangmi 474 a tlaih hna

    Follow Us

    99,932FansLike
    441SubscribersSubscribe

    Ṭial Tharmi

    - Advertisement -

    Malaysia lahwahkah nih kum thar January 1 in a ramchung phungninglo ramdangmi tlaihkhihnak a tuah colh i sml 24 chungah Kawlrammi telhin minung 474 a tlaih hna.

    “Ramdangmi 1,871 kan check hna i 474 kan tlaih hna. Phungninglo ramdangmi mah lungtho tein an ram tlunternak B4G programme a sok duhlomi tlaihkhihnak kan tuah lio ah rian petu (boss) zong kan tlaih chih hna,” tiah Malaysia lahwahkah bawizik Datuk Khairul Dzaimee Daud nih tuni ah a chim.

    “Kan tlaihmi hna lak ah Indonesia rammi an tambik, minung 220 an si. Mah hnu ah Chinese (minung 78), Myanmar (42), Philippines (22) le ram dangdang in an si hna,” tiah Khairul nih a chimchap.

    “B4G programme cu December 31, 2019 ah a dong cang i a soktu ramdangmi 190,471 an si.”

    “Lahwahkah nih phungninglo ramdangmi pawl cu mah lungtho tein an ram tlun khawhnak caanttha kan pek ko hna. Nain, rian petu cheukhat an hakkauh tuk ruangah caanttha nih a liamtak hna.”

    “Phungninglo ramdangmi rian petu cu Lahwahkah Upadi phun 4 in tazacuai khawh a si” tiah Khairul nih a chimfawn.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zi
    Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.