17.2 C
Hakha
Monday, July 26, 2021
- Advertisement -

Ṭial Tharmi

Malaysia nih RM3 Billion in COVID-19 Kakuaisi a Cawk Lai

Malaysia cozah nih a rammi 33 million leng caah tangka RM3 billion ($733 million) in COVID-19 khamnak si (kakuaisi) a cawk lai.

Vawleipumpi COVID-19 Kakuaisii Peknak Simanking (Covax) sinah RM600 million leng in kakuaisii 3 million a cawk lai.

Kakuaisii an ser khawh cangka in cawkter ve hrimhrim dingin biakamhnak caah Covax sinah ahlankan in RM94 million a pek cia lai.

“Covax sinah kakuaisi cawk dingin ahlankan in tangka RM94 million kan liam lai tiin November 13 ah bia kan khiah,” tiah Malaysia Science, Technology le Innovation Vuanci Pu Khairy Jamaluddin (hmanthlak) nih a thanh.

“November 13 ah Ngandamnak Vuanci Zung he meeting kan tuah hnu ah Covax sinah COVID-19 kakuaisii cawk dingin bia kan khiah hi si.

“Vawleipumpi Kakuaisii Chunhnak Bu (Gavi) sinah minsen thut hmasa a hauh caah kan thut cangka in Covax he sachoh kan tuah colh lai. Minsen thutnak puai cu a kan timhpiak liopi si.

“Malaysia rammi khamhnak caah le kan ram sipuaizi ṭhancho ternak caah kakuaisii cawk hrimhrim a herh.

“Malaysia ram aiawh in Ngandamnak Vuanci Zung nih Covax le Gavi sinah kakuaisi cawk dingin minsen a thut te lai. Sachoh phungphai zohfeltu dingah Upadi Zung (AGC) rian kan pek cang.

“A rannak in COVID-19 kakuaisi kan ngah khawhnak hnga, pakhat lawng i rinh awk a ṭhat lo caah Covax sin zongah cawk dingin sachoh tuah kan timhnak hi si,” ati.

China zong nih kakuaisii a ser khawh cangka in usape in Malaysia cawkter dingin November 18 ah China he minsen kan thut cang tiah Ramdang Vuanci Zung le acunglei langhtermi Science Vuanci Zung nih an thanh.

US kakuaisi company Pfizer sin zongah cawk dingin an hal cuahmah liopi asi.

Kakuaisii sertu 9 leng cawk dingin a hal cuahmah hna lio asi.

Malaysia nih COVID-19 dohnak caah budget RM110 billion leng a chiah. Mah chungin RM3 billion cu a rammi dihlak caah kakuaisi cawknak caah a hman lai.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -