Malaysia nih ramdang hlawhhlang nu 3 a tlaih hna

- Advertisement -

Kedah state Lahwahkah nih WeChat app in aa zuarmi ramdang hlawhhlang nu pawl cu Sungai Petani um manfawi hotel chungah a tlaih hna.

Kedah lahwahkah bawi Jamaludin nih, “Thailand le Laos nu 3 cu 11pm ah hotel ah kan tlaih hna,” tiah a chim.

“Hotel ah hlawhhlang nu an um tiin mipi nih thawng a kan thanhmi cu sungtthoh nih an ngiat hnu ah hotel cu kan luhhnawh.

“Ramdang hlawhhlang nu pawl cu Malaysia nu nih a hruai hna. WeChat app in pa sinah a zuar tawn hna.

“Mah hotel ahhin hlawhhlang an tuannak sau pah cang tiah kan zumh. Arnu pinu nih cun suimilaam 1 ah RM200 in a zuar tawn hna.

“Hotel kan luhhnawh lio ah ramdang hlawhhlang nu pawl cu an customer Malaysia pa pawl an rak vei hna liopi si kaw an i manh lo ngai.

“Thailand nu 2 le Laos nu 1, kum 27 in 30 kar cu kan tlaih hna i an konglam tam deuh hlat dingin kan hren hna lio asi.

“Malaysia ah khualtlawng visa in a rami an si nain phungninglo in hlawhhlang an tuan caah lahwahkah uapdi in case kan tuahpiak hna.

“Tlaihkhihnak cu October 6 zaan 11pm in kan thok i October 7 chun 12:30pm ah kan ngol.

“An dihlak in Alor Setar um Ramchung Vuanci Zung lockup ah kan hren hna. An konglam tam deuh hlat hnu ah tazacuai an si te lai,” tiah a chim. — Harian Hmetro

Ṭial Tharmi

Kalaymyo ah Quarantine lutmi minung 7 tazacuai an tong

Sagaing ramtthen, Kalaymyo ah Quarantine Center ah a lutmi minung 7 cu zuu an ding i sianginn kutka an hrawh caah ram...

Malaysia Covid-19 mizaw thar 95, a thimi 1

Tuni September 18 ah Malaysia ram ah Covid-19 mizaw 95 an hmuhchap hna i zawtnak ngei hmuhmi dihlak 10,147 an si cang.

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...
- Advertisement -