Malaysia nih phungninglo ramdangmi 156 a tlaih hna

- Advertisement -

Malaysia Lahwahkah Zung nih phungninglo ramdangmi 156 a tlaih hna.

Lahwahkah bawizik Datuk Khairul Dzaimee Daud nih, “June 6 zaan sml 11pm ah tlaihkhihnak kan tuah i Indonesia, Bangladesh, Pakistan, Myanmar le India rammi 202 kan check hna.

“Kum 4 tang ngakchia 2 le nu 12 zong an i tel. A dang pawl cu kum 50 tang an si hna.

“Cu chungah minung 156 cu phungninglo in a ummi an si caah kan tlaih hna. Cu hnu ah, a herh ningin hmalak dingin Putrajaya um Lahwahkah Zung ah kan kalpi hna,” tiah a chim.

“Ti le mei zong an fir. Thla 3 leng kan ngiat hna hnu ah zung dangdang simi palek, Hmetpungtin Zung nih a kan telpi.

“Covid-19 zulhphung zong an zulh lo caah Covid-19 zawtnak zong an karh ter khawh,” tiah Khairul nih thawngla pawl sinah a chim.

Thawngla pawl nih Lahwahkah nih phungninglo ramdangmi pawl lawng dan atat hna, an boss te dan a tat hna lo timi kong ah Khairul bia an hal.

Khairul nih, “A dik lomi a si. 2019 chung lawngah rianngeitu (boss) 1,059 cu Lahwahkah Upadi buar ruangah biaceihzung ah chuahpi an si i, tangka RM19.3 million dantat an si.

“Nikum zongah, boss 130 cu biaceihzung ah chuahpi an si i tangka RM10 million leng dantat an si.

“Tu kum thla 5 chung tiangah, boss 130 cu RM3.2 million dantat an si,” tiah a chim. – Bernama

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...

Ukraine cu Poland nih ral tuknak vanlawng 28 bak FREE in a pek

Update: US nih a duh lo caah an leet. Poland nih dairek in Ukraine kuat a ngamh lo...

US: Ukraine nih a tei lai

US Ramdang Vuanci Pu Blinken (hmanthlak) nih, "Ukraine nih teinak a hmuh lai," tiah a chim."Russia nih Ukraine...

US le NATO nih Ukraine sinah ral tuknak vanlawng kuat an timh

US le NATO nih Ukraine sinah ral tuknak vanlawng kuat dingin khua an khan liopi asi.US Ramdang Vuanci...