Malaysia nih phungninglo Indonesia 50 a phortu tilawng a tlaih

- Advertisement -

Phungninglo in Indonesia rammi 50 a phortu tilawng cu Malaysia Rili Palek nih tu zingka ah Bagan Sungai Belukang Beach ah an tlaih.

Tu zingka 8:45am ah tilawng cu an tlaih i a chungah phungninglo Indonesia rammi 50 an rak um.

Palek Bawi Ahmad nih, “phungninglo ramdangmi a phortu tilawng kong cu Malaysia rammi nih thawng a kan thanh caah kan va tlaih khawh hi si,” tiah a chim.

“Tilawng cu license zong a ngei lomi si. Indonesia rammi pawl cu phungninglo in Malaysia ah caan saupi an um hnu ah an chuahkehnak Indonesia ram ah kir aa thawhmi an si.

“An dihlak in kan tlaih hna; kum 18 cung pa 31, nu 17 le pa ngakchia 2 an si.

“Phungninglo minung phorh lo ding timi 1959 Lahwahkah Upadi le 2019 Lahwahkah Upadi an buar caah kan tlaih hna.

“Tlaihmi dihlak cu an konglam tam deuh hlat dingin acheh khuate ah an kalpi hna,” tiah a chim.

Theihtlei: Acunglei bantukin, tanglam in Kawlram tlun aa thawhmi zong an tlaih pah lengmang hna. Him tein a tlungmi khomi zong cu an tampi ve.

Mah ruangah Malaysia um Chinmi tampi cu Kawlram tlun an duh cun Kuala Lumpur um Myanmar Tanzung ah passport an sok hnu ah Malaysia Lahwahkah Zung ah phungninglo in an um man (upadi an buarmi) daantatnak tangka tlawmpal an liam i vanlawng in phungning tein an tlung tawn.

Sinain, cutin vanlawng in a tlungmi pawl cu Malaysia Lahwahkah Zung nih kum 3 chung Malaysia lut ti lo dingin a bar hna. Kawlram an phak hnu i pawcawmnak rian ngei lo vaivuan in an um tikah Malaysia rat tthan an duh tuk nain visa an ngah kho ti lo.

Cucaah, Malaysia ah rat tthan a duh tukmi cu puaisa pawl nih vok le ar phorh in mawtaw in an phorh tthan hna i a thlithup in tanglam in an ratpi tthan hna. Thailand an phanh hnu cun puaisa pawl nih ramtang ah an thuh ta hna i anmah lawng in paw khim huaha lo ttam lengmang in ni tlawmpal chung an kaltak hna hnu, lam a awng ko cang hih an ti hnu ah an lak tthan hna i Malaysia an luhpi tawn hna.

Tanglam in Malaysia rat cu a har chiahru. A van tthami pakhat hnih zong cu an um ve i an teem tuk lo. Nain zapi (90% hrawng) cu thinphan, pawttam le ramri palek hrial duh ah ramtang lamlo in chukcho kal kha a celhcelh asi lo. Tanglam in rat cu a har tuk i nu hrim cu zaangfak tuk an si, tanglam in rat ter ding an si lo.

Ralbawi Aung San nih Shan state Panglong khua ah bia a rak kan kamhmi mahte khuakhan lairelnak le federal ram kha rak ngah usih law ralkap nih ram an hrawk lai lo i, hi tlukin kan ram a sifak lai lo i hitin ramkip ah pawcawmnak kawl in harnak tuar kan hau hnga lo.

Ṭial Tharmi

Malaysia Covid-19 mizaw thar 95, a thimi 1

Tuni September 18 ah Malaysia ram ah Covid-19 mizaw 95 an hmuhchap hna i zawtnak ngei hmuhmi dihlak 10,147 an si cang.

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...

Australia Citizen Soknak Thawngpang Thar

Tu kum November thla tanṭim in cun rammi sinak test (phitnak) ah Australia ram sunsakmi nunphung kong telh a si cang lai. 
- Advertisement -