15.1 C
Hakha
Monday, June 21, 2021
- Advertisement -

Ṭial Tharmi

Malaysia nih online in tangka hlen rian a ttuanmi minung 680 a tlaih hna

Nizaan ahkhan Malaysia lahwahkah nih Cyberjaya khua ah online in mihlen rian a ttuanmi minung 680 a tlaih hna. Atu tan hi lahwahkah nih tu kum chung i tlaihkhihnak an tuahmi vialte lakah voikhat tlaih ah tambik a tlaihmi hna a si.

Malaysia lahwahkah bawi zik Datuk Khairul Dzaimee Daud nih “Cyberjaya khua ah inn dot 6 an hlan i thil tthalo cu an tuah” tiah tuni ah a chim.

Mipi nih palek le lahwahkah sinah report an tuah hnu in thla 1 hrawng an ngiat hna hnu ah thlaihkhihnak an tuah hi a si.

Office cu security he ttha taktak in an ven i a dot 6 ning le a khan kip cu card lawng in luh/chuah khawh a si.

“Handphone 8,230, laptop 17 le computer 787 kan chuh chih hna.”

“Tlaihkhihnak kan tuah lio ahhin a zaam mi zong an um len. Cun, lahwahkah le palek cheukhat cu an velh hna caah an i hliam” tiah Khairul nih a chim.

Atu tan an tlaihmi hna hi China ram in a rami an si hna i Malaysia ram ah office an honnak thla 6 hrawng a si cang. Mah inn cu call centre caah an hman.

Mihlen hmang phu nih hin China ram ah a ummi pawl kha an chawnh hna i Malaysia ah invest tuah ulaw rang taktak in a miak tampi in nan hmuh lai an ti hna.

“Kan tlaihmi hna hi an dihlak in social visa in Malaysia ah a rami an si. Kan tlaih hna lio ahhin tam deuh cu passport an ngei lo. Aho hmanh nih an rak tlanh hna lo caah Chinese tanzung ah thawng kan thanh” tiah Khairul nih a chimchap. – The Star

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -