Malaysia nih Kawlrammi telhin ramdang nu 39 a tlaih hna

Malaysia nih Kawlrammi telhin ramdang nu 39 a tlaih hna

August 15 ah Malaysia lahwahkah le palek nih Selangor state ah a ummi nghtclub 2 ah tlaihkhihnak an tuah i phungning loin a ummi Kawlrammi telhin ramdangmi 39 an tlaih hna.

Malaysia rammi 5 zong an tlaih chih hna. Klang le Puchong ah a ummi nightclub 2 cu Selangor lahwahkah le palek nih an luhhnawh. Tlaihkhihnak an tuah hi August 10 zaam sml 10 ah a si.

Selangor lahwahkah bawi Mohd Shukri Nawi nih “minung 88 kan check hna, Vietnam nu 24, Thailand nu 14 le Myanmar nu 1 cu catlap zeihmanh an ngeih lo caah kan tlaih hna. Malaysia rammi nu 5 zong kan tlaih chih hna. Kum 19 in kum 40 kar an si hna,” tiah a chim.

“Tlaihmi pawl cu Selangor lahwahkah zung ah kan kalpi hna. Semeyih i lahwahkah thonginn ah kan kuat ttahn te hna lai. Catlap zeihmanh an ngeih lo caah Lahwahkah Upadi in tazacuai an si lai. Malaysia rammi 5 hna zong Lahwahkah Upadi Dal 51 (a) in tazacuai an si ve lai,” tiah a chimchap.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.