Ampang Jaya khua, Jalan Perdana ah a ummi karaoke dawr pakhat cu Malaysia nawl ngeitu nih an luh hnawh i ramdang nu 17 le a chung rianttuanmi an tlaih hna.
Pumrua ttha, muidawh Vietnam le Thailand nu pawl cu sexy tak in thil an hruk i karaoke dawr ah a rak lengmi pa pawl an umpi hna. Mah ka dawr cu voi khat kal ahhin RM400 liam a si.
October 16 zaanttim 12 ah an luhhnawh hna i a chung ah rian a ttuanmi Bangladesh pa 7, Myanmar pa 1 le Malaysia rammi pa zong an tlaih chih hna.
“Vietnam le Thailand nu pawl cu karaoke dawr ah a rami pawl kha dinawk pek le umpi man ah ni khat ah RM300 in Rm400 an hmu. Cu dawr cu zaan sml 6 in deilei sml 3 tiang an hun,” tiah palek nih an chim.
“Karaoke dawr cu licencse ngei lomi sin pinah a chung rianttuan tu zong work permit ngei lo an si hna. An dihlak in kan tlaih hna i Ampang Jaya District Police Headquarters ah kan kalpi hna. Lahwahkah upadi in tazacuai an si lai,” tiah palek nih an chimchap.
Nizaan tthiamtthiam ahkhan Malaysia lahwahkah nih innsaknak hmun pakhat ah tlaihkhihnak an tuah i ramdangmi 196 an check hna. Cu chungah, work permit ngeilo Myanmar rammi 14 telhin ramdangmi 34 a tlaih hna.
