Malaysia nih Kawlrammi telh in ramdangmi 81 a tlaih hna

- Advertisement -

Melaka state khualipi Malacca um nightclub 2 cu Lahwahkah nih November 17 chun 12:30pm ah an luhhnawh i Kawlrammi telh in phungninglo ramdangmi 81 an tlaih hna.

Lahwahkah rianṭuan 24 nih 12:30pm in 2:30am tiang tlaihkhihnak kan tuah, tiah state lahwahkah nih media sinah thawng a thanh.

“Palek le lahwahkah an rat/lo ngiatu dingah nightclub kutka hram ah security an chiah hna nain anmah hngalh loin a chung kan lut kho,” tiah state lahwahkah nih a chim.

“Nightclub 2 ahcun minung 150 kan check hna hnu ah phungninglo ramdangmi 81 kan tlaih hna. 79 cu nightclub mileng/customer zohkhenh rian a ṭuanmi ramdangnu an si. Nu 30 cu China rammi an si i 49 cu Vietnam nu an si.

“A taangmi phungninglo ramdangmi 2 cu Myanmar rammi pa veve an si. Nightclub ah phungninglo in rian an rak ṭuan.

“Mah pinah, Malaysia rammi 9; pa 6 le nu 3 zong kan tlaih hna. Nightclub zohkhenhtu le phungninglo ramdangmi zohkhenh rian a ṭuanmi an si.

“Tlaihkhihnak kan tuah lio ah nightclub hnulei kutka le thlithup kutka in zaam an i tim len hna nain Lahwahkah nih kan kham cia dih caah pakhat hmanh luat loin kan tlaih khawh hna.

“Phungninglo ramdangmi pawl cu lahwahkah mawtaw truck lei kan kalpi hna lio ah nightclub security pawl nih khamh dingin hna an rak kan hnawh len hna nain buainak ngaingai um loin kan kalpi khawh hna.

“Phungninglo ramdangmi 81 cu passport dik a ngei lomi le visa a thih hnu tiang a ummi pawl an si. Lahwahkah Upadi 1959/63 le Passport Upadi 1966 an buar.

“Tlaihmi vialte cu Machap Umboo Lahwahkah Thong ah kan thlak hna i hnu ah an sualnak he aa tlak ningin a theipar zunter an si lai,” tiah state lahwakah nih a thanh.

Ṭial Tharmi

CNLD in Paletwa ah MP aa Cuh Ding

CNLD Paletwa EC nih MP aa cuh ding a thim cang. Nain, CNLD Central EC nih a fehter te ding si caah...

CNLD cu Chin State hmun 35 ah MP an i cuh lai

Chin National League for Democracy (CNLD) party cu November 8 thimnak ah a tlawmbik Chin state hmun 35 ah MP an i...

Hpakant lei min in a thimi 172 an si cang

Kachin state, Hpakant vawlei min in a thimi ruak 172 an hmuh cang. Vawlei a minhnak hi Hpakant...

Chinland FC nih Paletwa ralzaam hna sinah Kyats ting 20 man bawmhnak a pek

Chinland FC nih 𝗖𝗵𝗶𝗻𝗹𝗮𝗻𝗱 𝗳𝗼𝗿 𝗣𝗮𝗹𝗲𝘁𝘄𝗮 program in Yangon Region, Hmawbi khua ah a ummi Paletwa peng ralzaam pawl sinah bawmhnak a...
- Advertisement -