23.7 C
Hakha
Thursday, June 24, 2021
- Advertisement -

Ṭial Tharmi

Malaysia nih Kawlrammi 790 a Tlaih Hna

May 11 ah Malaysia Lahwahkah nih Kuala Lumpur Wholesale Market ah Myanmar rammi 790 telh in ramdangmi 1,368 a tlaih hna.

Lahwahkah Bawi Pu Datuk Khairul nih, “tlaihkhihnak (operasi) kan tuah lio ah ramdangmi 7,551 kan check hna hnu ah phungninglo in a ummi 1,368 kan tlaih hna,” tiah a chim.

“Zingka 6:30am in tlaihkhihnak tuah kan thok. Kan tlaihmi 1,368 chungah acheu fai cu Myanmar rammi an si, 790 an si. Indonesia rammi 421 an i tel ve.

Lahwahkah Bawi Pu Khairul le a miṭhi pawl

“Tlaihmi dihlak chungah nu 261 an i tel. Ngakchia 98 an i tel.

“Tlaihmi le checkmi dihlak cu Covid-19 zawtnak an ngeih/lo Ngandamnak Vuanci Zung nih a test hna i hohmanh an ngei lo.

“Kan tlaihnak hna aruang cu; Malaysia ah umnak catlap an ngei lo, visa thih hnu tiang um, work permit deu tlaih, tbk., ruangah asi.

“Malaysia Upadi an buar man thong kan thlak hna lai. An thongtlak caan a dih hnu ah an ram cio ah kan khirh hna lai pinah, Malaysia ah luhnak nawl pek ti lo dingin cohlan lomi cazin ah khumh an si lai.

Tlaihkhihnak an tuah lio ah Lahwahkah cu palek zong nih an bawmh hna. Kuala Lumpur khuabawi zong nih a telpi hna.

Covid-19 zawtnak ngei an um ruangah Kuala Lumpur Wholesale Market cu cozah nih thilhri hling kulh tiangin fak deuh in lengchuah a khap (EMCO) nak hmun asi.

Cucaah, tlaihkhihnak an tuah lio cu media pawl zong thilhri hling kulh chungah luhnak nawl an pe hna lo.

- Advertisement -

Ṭial Tharmi

Malaysia boss pawl nih ‘lockdown donghter cang’ tiin cozah an hal

Kuala Lumpur: Malaysia Rianngeitu Phu (Malaysian Employers Federation - MEF) nih, "Full lockdown (FMCO) hi a rannak in donghter cang," tiin nizaan ah cozah...

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...
- Advertisement -

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -