Zahan ahkhan Malaysia cozah nih Sungai Buloh khua ah phungninglo ramdangmi 56 a tlaih hna.

“Lahwahkah, Hmetphungtin Sernak Zung rianttuan le palek nih October 8 zaam sml 8 ah tlaihkhihnak kan thok,” tiah Sungar Buloh peng palek bawi Shafa’aton Abu Bakar nih a chim.

“Sehzung, Inn le dawr telhin inn 16 ah tlaihkhihnak kan tuah. Ramdangmi 89 kan check hna, cu chungah nu 8 telhin 56 cu work permit ngei lomi an si.”

“Kan tlaihmi pawl cu kum 22 in kum 40 kar an si hna. Bangladesh (23), Indonesia (13), Myanmar (10), India (3), Cambodia (2), Nepal (1) le Vietnam (1) hna an si,” tiah Shafa’aton nih a chim.

Tlaihmi pawl cu Lahwahkah Upadi 1959/63 Dal 6 (10) (c) in taza an cuai hna.

Phungninglo tlaihkhihnak cu ni fatin kan tuah peng ko lai tiah Shafa’aton nih a chimchap.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.