Malaysia nih Kawl puaisa 71 le Malaysia rammi 6 a tlaih hna

- Advertisement -

Kuala Lumpur — Kawlrammi pawl phungninglo in Malaysia a luhpi tu Kawlram puaisa 71 le anmah he aa bawmmi Malaysia rammi 6 an tlaih hna. Kawl puaisa cheukhat cu UNHCR card aa tlaihmi zong an rak um.

“September 22 in 25 kar ah Klang Valley, Kelantan le Penang ah tlaihkhihnak kan tuah i hi zat kan tlaih hna hi si,” tiah Bukit Aman palek sakhan i special force bawi changtu DatukCheong Koon Hock nih a chim.

“Myanmar rammi pawl Thailand in Sungai Golok in Rantau Panjang (Kelantan) ah a luhpi tu puaisa pawl an si.

“Mah hnu ah phungninglo Myanmar rammi pawl cu Malaysia ram chung hmun zakip ah an tthek hna,” tiah tuni media sin thawngthanhnak ah a chim.

“Kelantan state ah tlaihkhihnak voi 6 le Penang state ah voi 3 kan tuahmi he fonh in state 4 ah voi 12 kan tuah.

“Tlaihkhihnak kan tuah lio ah phungninglo Myanmar rammi a phortu Malaysia pa cu a zaam i kan dawi hnu ah Puchung Tesco ah a mawttaw kan kham nain, dir duh loin palek mawttaw a pah caah thi lakin kan kah, a phorhmi Myanmar pawl cu kan tlaih hna.

“Puaisa khawngsawng hi Malaysia pa asi. Kan tlaihmi lakah aa tel ve.

“Adang Malaysia rammi pawl cu phungninglo Myanmar rammi don/thlah le zeitin dah phungninglo in Malaysia ah kan luhpi khawh hna lai ti khuakhangtu an si.

“Kan tlaihmi Myanmar puaisa cheukhat cu UNHCR card aa tlaihmi hna an rak si i kan lau ko.

“Mah puaisa group hi tu kum April thla in an i thok tiah kan zumh, ritsii zong phungninglo in an luhpi.

“Ttihnung taktak ah kan chiahmi misual bu ah an i tel, hriamnam zong an ngei,” tiah a chim.

Ṭial Tharmi

Malaysia Covid-19 mizaw thar 95, a thimi 1

Tuni September 18 ah Malaysia ram ah Covid-19 mizaw 95 an hmuhchap hna i zawtnak ngei hmuhmi dihlak 10,147 an si cang.

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...

Australia Citizen Soknak Thawngpang Thar

Tu kum November thla tanṭim in cun rammi sinak test (phitnak) ah Australia ram sunsakmi nunphung kong telh a si cang lai. 
- Advertisement -