23.7 C
Hakha
Thursday, June 24, 2021
- Advertisement -

Ṭial Tharmi

Malaysia nih Hlawhhlang Sin in RM2.5 Million a Tlaih

Malaysia cozah nih hlawhhlang inn a luhhnawh i tangka RM2.5 million a tlaih.

China rammi 14 (pa 11 le nu 3) zong an tlaih hna. Malaysia rammi pa pakhat le nu pakhat zong an tlaih ve hna.

“Kajang khua i Bandar Tun Hussein Onn sangum condominium inn ah hlawhhlang an um tiin a kan chimh caah Bukit Aman palek sakhan nih kan va luhhnawh hi si,” tiah palek nih an chim.

Zahan zaanlei 2pm hrawngah an luhhnawh.

Cuka cun China rammi pa 7 le nu 1 an tlaih hna. Kum 22 in 28 kar an si.

“Laptop 2 le phone 15 kan tlaih. China ram ah a ummi pawl kha phone chawnh le online in tangka an hlen pah hna,” tiah Bukit Aman palek sakhan nih a thanh.

“Thil sining kan hlat i suimilaam tlawmpal hnu ah Cheras um inn pakhat ah a kan kalpi.

“Inn khaan ah suitcase zeimawzat in tangka RM2.5 million an rak chiahmi kan hmuh.

“Mah inn cun China rammi pa 4 le nu 2 kan tlaih hna. Anmah he a ummi kan rammi pa pakhat le nu pakhat zong kan tlaih hna.

“Laptop 3 le phone 4 pinah ritsi zong kan tlaih.

“Cryptocurrency caah hmanmi applications tlawmpal zong kan hmuh.

“Bia kan hal hna tikah hlawhhlang le mihlen an tuahnak hi thla 2 hrawng a rak si cang.

“Nu pawl cu China ram um pa pawl sinah online in an pum an i zuar, cun tangka an hlen pah hna.

“Kan rammi 2 cu anmah pawl herhhai zohkhenhtu an si,” tiah palek nih an chim.

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -