16.3 C
Hakha
Thursday, June 17, 2021
- Advertisement -

Ṭial Tharmi

Malaysia Myanmar tanzung ah Kawlram tlung dingin min a pemi 1,500 leng an si cang

Malaysia ram ah phungninglo in a um i harnak a tongmi Kawlrammi pawl cu Kawlram tlung dingin min rak pe uh tiah Myanmar tanzung nih thawng a thanh i ni 3 chungah min a pemi 1,500 leng an si cang.

Myanmar tanzung lutlai U Naing Min nih,”email in cakuat a lut thluahmah ko. Tling tein a apmi zong an um. Nain, cheukhat cu tling tein an ttial lo. Mah bantuk pawl kha cu kanmah nih pehtlaih in a baumi hal tthan an hau,” tiah a chim.

Malaysia um Myanmar tanzung nih June 23 ahkhan Malaysia ram ah harsatnak a tong i Kawlram tlun a duhmi Kawlrammi pawl cu Myanmar cozah nih laknak a thok tikah rian fawi seh tiin rammi a si ti fehternak (CI) form phih i tanzung email ah kuat dingin thawngthanhnak a tuah.

“Form phit awk an chuahmi leng ah an kan hal chapmi a um. Keimah pumpak in tanzung ka va kal hnu lawng ah ka theih. Myanmar cozah cung ah kaa lawm tuk.

“A kan zawnruah tuk ko. Tlung kho ning law thatuk hnga. Myanmar cozah nih lak a kan timh ko nain tanzung nih zei ah a kan rel lo,” tiah Malaysia ram ah phungninglo in khua a sami Aung Thi Hah nih a chim.

Mah form hi phih hnu ah Myanmar tanzung ah email in kuat ding cu a si

Myanmar tanzung nih cathanh a chuahmi ah hmanthlak le Malaysia hmanmi phone number pek chih ding ti a telh lo nain an hal chih hna. Cun, kutpi nam le email kuat kongah cheukhat cu harnak an tong.

“Hmanthlak le form print ka thiam lo. Email kuat zong ka thiam hoi lo i a buaithlak ngai. A tlamting cang rua ka ti ah cucu a hau rih, kha kha a hau rih an ti i hnahnok ngai,” tiah Aung Thi Hah nih a chimchap.

“Atu bantuk in kan in lak hna lai a kan ti cu kaa lawm tuk. Zeitik ahdah a kan lak hnga ti lawng te ka ruat ko. Myanamr cozah nih kan in lak hna lai a ti hmanh ahkhan ka rak i lawm tuk cang,” tiah Malaysia in tlun aa tim vemi Nyi Nyi Zaw nih a chim.

Malaysia ram ahhin Kawlrammi phungning he phungninglo he khua a sami ting 5-6 kar an um.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -