16.3 C
Hakha
Thursday, June 17, 2021
- Advertisement -

Ṭial Tharmi

Malaysia Lockdown Chungah Tuah Onh/Lo Mi 23

Chinmi tambik kan umnak Kuala Lumpur, Selangor le Putrajaya cu tuzaan zaanṭim in October 27 tiang an lockdown (CMCO) cang lai.

Atanglei hna hi CMCO chungah onhmi le onh lomi (zulhphung) an si;

  1. Palek, Ralkap le RELA nih hmun kip an vehvat lai i an congh lai, ahlei in mizaw an tamnak hmun pawl
  2. Rawl le herhhai cawk nan duh tikah chungkhar 1 in minung 2 lawng inn leng chuah khawh asi
  3. Tar le ngakchia cu inn leng chuak hlah ulaw ṭha
  4. Peng dang le state dang kal a ngah lo. Damlo ruang le chungkhar thih ruang ti bantuk thih/nun ri a simi cu palek sakhan ah nawl hal ulaw anmah nawl si lai
  5. Rian a ṭuanmi pawl cu nan boss nih peng dang le state dang kal na hauhnak kong ṭha tein ca an ṭialpiak ahcun kalter na si ko lai
  6. Restaurant, motor in rawl zuarmi, lamkam tohmi rawldawr, mehmuai le anhringso dawr, tbk. pawl cu 6am in 10pm tiang lawng on si lai
  7. Asi khawh ahcun rawl cu bungus (takeaway) le online in caw ulaw ṭha. Nain, restaurant ah ṭhut in ei zong cu a ngah ṭhiam ko
  8. Restaurant ah rawl nan ei tikah cabuai 1 ah minung 2 cung nan ṭhu lai lo
  9. Zingze cu 6am in 12pm tiang on ding, zaanze (ngiahze) cu 4pm in 10pm tiang on ding. Nain, khat le khat naih tukin nan umnak hnga lo RELA nih an hngah lai.
  10. Luhnak kutka pakhat le chuahnak kutka 1 lawng an tuah lai – duhpaoh in i chawh le kir ngah lai lo
  11. Petrol station cu 6am in 10pm tiang on si lai, nain highway ummi pawl cu chunzan hlan in on si ko lai
  12. Zung, dawr le company vialte cu punghman tein on peng an si ko lai, cucaah tlanglawng le bus zong punghman tein an kal peng ko lai
  13. Taxi le Grab zong punghman in a ngah ko lai, nain a tambik minung 2 lawng nan i cit lai (a mongtu he cun 3)
  14. Sii dawr cu 8am in 11pm tiang on si lai
  15. Dawr, zung, company, tbk. chawlehnak vialte cu punghman tein onnak nawl pek dih asi ko, nain May thla ah chuahmi COVID-19 zulhphung kha nan zulh hrimhrim lai
  16. Rawl he aa pehtlaimi paohpaoh cu on khawh dih an si
  17. Biakinn nan khar dih hna lai – pumhnak le thlacamnak nan tuah lai lo (chungkhar pumhnak cu ngah ko)
  18. Nuamhnak hmun vialte khar dih si lai
  19. Zuu dawr, nuam/lentecelhnak panchian, inn chung certual, cinema le pub khar dih si lai
  20. Leng ah minung 10 tang hlat pipi in exercise tuah cu ngah ko
  21. Sianginn vialte khar dih si lai
  22. Mihring in meting, seminars, workshops, tbk. vialte nan tuah lai lo (online in tuah uh)
  23. Khua/pengtlang, biaknak, tbk. zatlang puai le lentecelhnak zeihmanh tuah hlah uh. Ṭhitum puai, tbk. zong tuah hlah uh

Mah pinah, leng nan chuah fatin mask nan i hruk peng lai. Rianṭuannak zongah nan i hruk peng lai.

Tutan lockdown cu hmasa bantukin dawr le zung vialte khar dih asi lo i rianṭuan zong a ngah ko caah hmasa tlukin a fak lai lo.

Cun, Chinmi cheukhat nih;

  • Bus a um lai lo
  • Restaurant ah rawl ei ngah lai lo
  • Zaan bazaar on ngah lo
  • Taxi/Grab 8pm tiang lawng ngah
  • Restaurant 6pm tiang lawng on ngah, tbk. an thanhmi tampi. Mah kha a dik lomi si.

Cozah nih zulhphung a chap/zuhmi um aikun, kan thanh ṭhan colh ve lengmang lai.

Malaysia um Chinmi vialte nih an hngalh cio nak hnga le a herh lo ah tlaih le thongthlak an tonnak hnga lo SHARE cio usih.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -