15.6 C
Hakha
Sunday, June 20, 2021
- Advertisement -

Ṭial Tharmi

Malaysia lockdown chung Australia Visa Interview an ‘ngol lai lo’

Malaysia lockdown (June 1 – 14 ) chung Australia visa online video interview an ngol lai lo. Asinain a dangdang kutpi nam (biometrics), minthut (statutory declaration signing) le visa lak (Immicard signing) tibantuk cu an ngol chung rih lai. June 14 hnu ah thil sining zoh in pehzulh asi than te lai. 

Covid zawtnak le Malaysia SOP ruangah online video interview an tuahnak hi asi. Cuaah March 2020 hlan i chungkhar rualchan auhnak a rak tuah i cohlan lonak ca (refusal letter) kuat asi lomi poh nihcun email check le phone tlaih daithlan lo a herh ngai. 

Malaysia le Australia cu March 2020 thok in a tu tiang khualtlawn kal um khawh asi rih lo. Kalter awk tha lo asimi (emergency case) lawng kalter le luhter an si. Cucaah March 2020 hlan i visa a rak la cangmi zong a tu tiang kal kho loin a ummi tampi kan um.

A tu lio ahcun mi zei an si hmanh ah Australia kal duh ahcun Australia cozah (Department of Home Affairs) ah khualtlawn khawhnak lehhmah (travel exemption) sawk ta hmasa a hau. Cu travel exemption sokmi cu ABF (Australian Border Force) ) ramri vengtu nih pek hnu lawng ah luhkhawh asi.

Asinain ralzaam (refugee and humanitarian visa) asimi nih cun travel exemption hi mah tein sok a haumi si lo. Na sining zoh in kalter lo awk tha lo dirhmun na si ahcun khualtlawn phihkhamnak in na luat khawhnak hnga an mah (Australia Tanzung le IOM ) nih an in tawlrelpiak lai. Visa a la cangmi nih Malaysia ah dirhmun chia ngai na si ahcun Australia Tanzung ah na konglam ca tial khawh asi.

March 2020 hlan i prospective marriage visa (nuva aa thi um ding) a rak sokmi hi an zawn an ruah ngai hna (priority ah an i tel ve). A tu an auhmi tete hna zong an tam ngai. A kal khomi tete zong an um len. Covid ruangah puai tuah manh lo in an i phiat than sual lai ti an phang pah i si men lai.

Nain mah hi visa cu ralzaam visa (refugee visa) asi lo caah mah tein zeipoh i tawlrel dih a haumi asi. Travel exemption zong mah tein sok a hau. Cheukhat aa fiang lomi kan tam ngai caah hernak a tongmi tete zong kan um len. 

Australia cu 2022 kum cheu hrawng lawng ah ramri (international border) kan on khawh men an ti caah fawi le bai ah hlan bantukin zalong tein luh le chuah khawh dawh asi rih lo.

Thawngthanhtu: Ceumi Lian
Tanzung Ṭuanvo Latu
Chin Refugee Committee (CRC)
Kuala Lumpur, Malaysia

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -