16.9 C
Hakha
Wednesday, July 28, 2021
- Advertisement -

Ṭial Tharmi

Malaysia Lengchuah Phihmi (MCO) April 28 tiang sauh

Malaysia ram hruaitu Prime Minister Pu Yassin nih, “Covid-19 zawtnak karh hlah seh tiin lengchuah kan phihmi cu April 28 tiang kan sauh,” tiah tu zaanlei 4pm ah TV in thawng a thanh.

Lengchuah Phihmi (Movement Control Order = MCO) thawng in sibawi le nurse pawl nih zawtnak karh an kham khawh deuh, ati.

“Ngandamnak Vuanci Zung le thiamsang hna nih sauh dingin ruahnak an ka cheuh pinah, Vawlei Ngandamnak Bu (WHO) zong nih lengchuah phihmi on colh ahcun zawtnak tamtuk a karh ṭhan lai ati.

“Cucaah, ngandamnak lei rianṭuantu hna nih mah pulrai karh hi kham kho hna seh tiin tu hnu zarh 2, April 28 tiang ka sauhnak asi.

“Ramdang he tahchun tikah kan ram cun a thimi zong an tlawm deuh ngai, mizaw thar zong an zor deuh cang.

“Mizaw thar an zor peng ahcun mah zawtnak hi karh loin kan kham khawh lai, nain daithlan awk kan ṭha lo.

“Thil sining a ṭhat deuh hlan tiang sianginn vialte khar an si rih lai. Inn ah online in cacawn khawh dingin Ngandamnak Vuanci Zung nih a tolrel lai.

“Chawlehnak cheukhat cu a changchang tete in kan on hna lai, nain MCO kan dorh deuh tinak asi hlei lo,” ati.

Hmasa cun March 18 in 31 tiang lengchuah an phih. Nitin nunnak caah a herhmi Mei, Ti, Phone Company, Tlunkalnak, Bank le Rawl, tbk., company lawng onnak nawl an pek hna. Private company le cozah zung vialte khar dih an si.

Mah bantuk dawr le company pawl ah rianṭuanmi dah lo hohmanh rianṭuan ngah lo. Inn chungah i erh dih si.

Biakinn, sianginn, tbk., vialte zong an kharter dih hna. Rawl le sii cawk ruah ah minung 2 i zulh zong ngah lo. Chungkhar 1 in minung 1 lawng kal a ngah. Meeting le puai tuah, ruak humh, tbk., zong a ngah lo.

MCO a dih hlan ah April 14 tiang an sauh colh. Rawl le sii caw dingin leng nan chuah tik zongah nan inn in 10km hla tiang lawng nan kal lai. 10km chungah rawl le sii a um lo lawngah mah pin nan kal lai, ti an chap. State le khua cu chim lo sang dang zong pal a ngah lo.

Motor ngei pawl zong rawl le sii caw dingin nan kal tikah midang nan phor hna lai lo, nanmah lawngin nan kal lai. Emergency in sizung kal a hauh lawngah 2 nan i zul lai, an ti.

Hypermarkets, eidin dawr le petrol station vialte zong 8am in 8pm tiang lawng onnak nawl an pek hna.

Tuni ah April 28 tiang an sauh ṭhan.

Lengchuah phihmi (MCO) a zul lomi minung 7,000 hrawng palek nih an tlaih cang hna. Chinmi 10 leng an tlaih ve cang hna.

Rianṭuan khawh asi lo caah Chinmi chungin fa tam a ngei i minung 1 lawng rian a rak ṭuanmi chungkhar le pehtlai tein rian a rak ṭuan kho lomi single tampi cu rawl ei awk le inn man pek awk kongah lungrethei in an um.

Pehtlai tein rian a rak ṭuan pengmi single le nuva in rian a rak ṭuan pengmi chungkhar cu an har tuk rih lo. Nain, MCO ruangah company tampi an sipuazi tla tuk i MCO a dih tikah Chinmi tampi cu rian phuah le rian ngei lo an um len te lai i harnak fak tuk an tong te kho.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -