15.5 C
Hakha
Wednesday, June 23, 2021
- Advertisement -

Ṭial Tharmi

Malaysia Laimi nih an Fapa Min ah “Donald Trump” an Sak

Pu Peng Lian Uk le Pi Run Sung nih an fapa hniang cu “Donald Trump Hrang Ceu Thang” tiah min an sak. Malaysia ram, Puchong khua ah khuasami an si.

US President Donald Trump cu US um Laimi tampi zong nih an uar taktak. 2018 November 3 ah Chinmi tambiknak Indianapolis ah biachim dingin a rak ra i Chin pastor le hruaitu tampi telh i Chinmi tam taktak nih Lai coat sen i hruk in an rak don ve.

Donald Trump Hrang Ceu Thang cu 2018 September 17 ah a chuak i atu cu kum 2 a tling cang.

Donald Trump birthday an tuah lio

Pu Peng Lian Uk nih, “Ka fapa min ah Donald Trump kai saknak aruang cu Trump ka uar tuk caah asi,” tiah The Chin Express sinah a chim.

“Trump cu;

  1. Khrihfa mi hna caah a ṭha, Bible ningin Jerusalem cu Israel khualipi ah a cohlan i US Tanzung zong Jerusalem ah a ṭhial. Vawleipumpi ah khrihfami hna kan mithmai a hmet lio ah ruahchannak a kan pek
  2. A ram le miphun a daw tuk. Keimah cu ramdang president ka si lo, American president ka si a ti i a ram le a miphun usa a pek
  3. A ralṭha – hohmanh a ṭih hna lo
  4. A chimmi a tuah – president dang bantukin kaa lawng asi lo, ka tuah lai a timi a tuah thluahmah hna
  5. Vawleipi a daihter khawh – Obama lio ah a lor taktakmi ISIS ralhrang rau lo te ah a hloh, vawleipi a hnin dihtu North Korea kaa a phih, China a daihter, Obama nih a hnor ngam lomi ralhrang sertu Iran ralbawi zong a thah colh, Trump a kai hnu cun ralhrang an hrang ngam ti lo, chim dih ahcun a tam tuk caah mah vial lawng chim ko ning.

“Donald Trump le Hillary Clinton an i cuh lio 2016 ahkhan fanute ka ngei. Mah lio te cun, fapa ka ngeih tikah Donald Trump tiin min kai sak te lai ka rak ti cangmi si.

“Ka fapa cu a Lai min in kan au lo, Donald Trump tiin kan auh. Kum 2 lawng asi rih nain ṭih a ngei lo. A palh lonak cung cun a ule zong a ṭih hna lo. Pumh kal le vahnak zongah mi ṭih a hmang lo. Ka hawile nih ‘nai sak fuh bak, Donald Trump taktak asi ko’ an ka ti tawn.

“UNHCR zung le sekhan kan kal tawn ahhin kan sunglawi ngai. Officer te an i nuam tuk. UN zung kan kal lio cu officer nu nih “zei ruang dah nai sak?” aa ka ti. Trump ka uar tuk i kai sak ko ka ti i a nihchuak ngai. Donald Trump zong cu a auh i a tuai len.

“Sekhan kan kal tawn zong ahhin nurse le sibawi pawl nih Donald Trump cu an cawi i hman an i thlakpi tawn. A kan chawnh duh ngai, kan sunglawi ngai.

“Muslim tampi nih cun Trump an huat tuk caah muslim ram a simi Malaysia ah Donald Trump min i sak cu tiah kan nu nih cun a ṭih pah ko nain, na duh vemi cu i sak ko aa ka ti,” tiah a chim.

Donald Trump le a ule

Donald Trump cu u 2 a ngei hna; Abisak Zing Tha Par, kum 4 le Joseph Van Cung Lian, kum 6 dengmang (thla 2 aa duh) an si.

A nulepa Pu Peng Lian Uk le Pi Run Sung cu Thantlang peng Vomkua khuami an si i 2011 ah Malaysia an phan. 2013 ah UNHCR card an ngah ve.

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -