Malaysia khualipi Kuala Lumpur um sang 2:
- Kampung Segambut le
- Pantai Dalam um Jalan Kubur cu COVID-19 mizaw an tamtuk caah June 26 in July 9 tiang EMCO kan tuah lai, tiah Runvennak Vuanci Pu Ismail Sabri (hmanthlak) nih tuni ah a thanh.
“Kampung Segambut Dalam ah minung 646 an test hna i mizaw 78 an hmuh hna. Mizaw an karh tuk.
“Jalan Kubur zongah mizaw 53 an hmuh hna,” ati.
Chawhvah Vialte Khap Dih (Enhanced Movement Control Order – EMCO) mi sang cu cozah nih thilrihling in a kulh dih i ralkap le palik nih meithal in an congh. Cuka sang ummi cu hohmanh leng chuah khawh si lo. Cozah nih rawl a pek hna. Ni kum zongah Chinmi tampi umnak Kuala Lumpur um Pudu sang cu EMCO an rak tuah ve.
Sabah state sang 4 zong EMCO an tuah hna lai
Sabah state, Tawau khuapi um sang 2; Kampung Pukat Tanjung Batu Laut le Kampung Baru Pasir Putih zong EMCO an tuah hna lai.
Kampung Pukat Tanjung Batu Laut ah minung 31 an test hna i mizaw 12 bak an hmuh hna. Kampung Batu Pasir Putih zongah mizaw 10 an hmuh hna.
Cun, Sandakan khuapi um sang 2; Taman Fajar le PPR Taman Murni zong EMCO an tuah hna lai. Mah sang ahhin mizaw 32 an hmuh hna.
Sabah state sang 4 hi cu June 27 in July 10 tiang EMCO tuah an si lai.
