Kuala Lumpur — IS ralhrang an si tiin lunghrinhmi 16 kan tlaih hna. State 6 ah kan kawl hna i kan tlaih hna hi si, tiah palek bawi Datuk Ayob Khan nih a chim..
Bukit Aman palek sakhan in Ralhrang Dotu Special Palek Phu lutlai nih, “kan tlaihmi ralhrang 13 hna cu Malaysia 3, Indonesia 12 le India pakhat an si,” tiah a chim.
“July 10 in September 25 tiang Sabah state, Selangor, Sarawak, Pahang, Penang le Kuala Lumpur ah kan kawl hna i hi zat kan tlaih khawh hna hi si.
“Selangor, Pahang, Penang le Kuala Lumpur ah kan tlaihmi 10 hi cu Facebook le Twitter ah IS lut dingin mi thluak ttawl an i zuam, van kai duhmi nih mi thah dingin social media ah cawnpiaknak an tuah.
“Cheukhat lebang cu ramkheltu pawl le Malaysia ram chung i muslim a si lomi Khrihfa, Hindu le Buddhist pawl thahnawnnak tuah an i tim.
“1nak bik kan tlaihmi pa cu kum 25 Indonesia pa asi i July 10 ah Sabah state i Keningau khua ah kan tlaih.
“Indonesia um IS ralhrang pawl kha Sabah state in Philippines ram thlanglei ah a luhpi tawn hna.
“Kum 38 India nu cu ralhrang bawmhnak caah tangka a kholh caah August 2 ah kan tlaih.
“Atu cu a chuahkehnak India ram ah kan kuat cang.
“A dang pawl cu hmasa ka chimmi state dang pawl ah kan tlaih hna,” tiah palek bawi nih a chim.
