15.6 C
Hakha
Wednesday, June 23, 2021

Malaysia COVID-19

Malaysia
711,006
A zawmi
Updated on June 23, 2021 9:12 pm
Malaysia
4,637
A thimi
Updated on June 23, 2021 9:12 pm
Malaysia
645,553
A dammi
Updated on June 23, 2021 9:12 pm

Malaysia Khampat Khrihfabu nih RM11,000 leng in a member a bawmh hna

Advertisement

Malaysia um Khampat Christian Fellowship (KCF) nih RM11,350 in a member pawl a bawmh hna, tiah kan theih.

Coronavirus zawtnak karh hlah seh tiin Malaysia cozah nih March 18 in April 14 tiang lengchuah a phih caah hohmanh rianṭuan khawh asi lo i Chinmi tampi rawl ei awk kongah lungrethei in an um.

Cucaah, kan member pawl an har tuk lai tiin KCF nih a bawmh hna hi si. Member chungkhar 77 le single 50 (milu 305 hrawng) a bawmh hna.

KCF cu Makota Cheras khua ah a um. Biakinn caah inn an hlan i zarh fatin an i pum tawn.

KCF cu 2009 thokin ‘Rawnchin Learning Center’ tiin an fala ca cawnnak sianginn zong an ngei i kum 5 in 12 kar siangngakchia 14 an ngei hna, tiah an sianginn saya David Van Za Thawng sin in kan theih.

Malaysia um Chinmi hna cu cozah sianginn kainak nawl an ngeih lo caah khua, pengtlang le Chinmi dihlak huap in an fale cacawnnak an tuah cio hna.

KCF member pawl cu Makota Cheras lawng si loin;

  1. Puchong
  2. Damai
  3. Kajang
  4. Imbi
  5. Loke Yew
  6. Cheras Alam Jaya le hmun dang zongah an um hna.

Khampat Zohkhenhnak Bu (KZB) tiin 2002 February 14 ah an rak dirh. Minung lei hruainak cun a rak har deuh caah 2008 February 9 in KCF tiin an dir.

Tutan an thil tuah cu Malaysia um Chin khrihfabu dihlak nih i cawn cio awktlak asi.

Malaysia um Chinmi tampi cu rawl ei awk le inn man pek awk kongah lungrethei in an um cang. Cheukhat cu Malaysia rammi khrihfabu le dawtnak ngei pumpak hna nih rawl an bawmh hna i an i lawm tuk, nain anmah Chin khrihfabu nih a bawm hna lo.

Atutiang kan theih khawh tawk ahcun KCF le CCF lawng nih tangka tampi dih in an member an bawmh hna.

Malaysia um Chinmi cu mi tampi a bawm kho ding mirum kan um lo. Khrihfabu in a dirmi lawngte kan si caah hi bantuk caan ah khrihfabu nih member cio zuanhnawh lo ahcun miphun dang le ramdangmi fuh kan hau.

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
180,155,389
A zawmi
Updated on June 23, 2021 9:12 pm
Vawleipumpi
3,902,610
A thimi
Updated on June 23, 2021 9:12 pm
Vawleipumpi
163,190,944
A dammi
Updated on June 23, 2021 9:12 pm
- Advertisement -