Myanmar pa nih mi min le passport in COVID-19 raikhamsi ai chunh caah palik nih an tlaih. Min le passport ngeitu zong cu Myanmar rammi asi ve.
Penang palik bawi Soffian Santong nih, “Kum 45 Myanmar pa cu avoi 2nk i chun dingin raikhamsi chunhnak hmun (PPV) a rat lio ah kan tlaih,” tiah a chim.
“A min le passport a hmanpiakmi kum 44 pa nih palik sinah a report caah kan tlaihnak asi.
“Passport ngeitu pa cu avoi 1nak raikhamsi i chun dingin Gurney Paragon Mall ah a kal tikah, na min le passport number in ai chunmi an um cang, tiah an chimh. Mah hnu ah palik sinah report a tuah.
“A report hnu ah, palik le Gurney Paragon Mall um raikhamsi chuntu phu i bawm in misualpa cu kan tlaih.
“A tak cungah i-card le passport a hmanpiakmi pa passport pawl zong kan tlaih.
“Phungninglo in Malaysia ah um le mihlen case in case kan tuahpiak.
“Passport ngeitu pa nih cun a hmanpiaktu pa hi aho si a hngal lo. Misualpa nih zeitin dah hi pa min le passport number a fir khawh timi kan hlat lio asi.
“Mi min in raikhamsi i chun hrimhrim hlah uh,” ati.
Malaysia Laimi zong mi min in raikhamsi i chunh lo i zuam cio hna usih.
