16.3 C
Hakha
Thursday, June 17, 2021
- Advertisement -

Ṭial Tharmi

Malaysia in Thailand ah a lutmi Kawlrammi 34 sinah Covid-19 rungrul an hmuh

Malaysia ram in phungninglo in Thailand ah a lutmi Kawlrammi 34 sinah Covid-19 zawtnak rungrul an hmuh i Thailand ram ah Covid-19 zawtnak ngei Kawlrammi hi a tlawmbik minung 50 renglo an si tiah 7Day News nih a ttial.

Kawlrammi telhin ramdangmi 42 cu Malaysia ram in Thailand ah phungning loin an lut i Songkhla peng ah palek nih an tlaih hna. Sadao lahwahkah thonginn ah an chiah hna i Covid-19 zawtnak an ngeih/lo an test/check hna i an dihlak in an ngei.

Covid-19 zawtnak ngeimi pawl cu Kawlrammi (minung 34), Vietnam (3), Malaysia (2), Yemen (1), Cambodia (1) le India (1) hna an si. Sadao lahwahkah thonginn ahhin atu lio thongtlami ngakchia telhin ramdangmi 115 an um i a tangmi pawl zong zawtnak an ngeih/lo an test/check hna lai.

“Kawlrammi pawl Covid-19 zawtnak an ngei timi cu a dikmi a si ko. Malaysia in Songkhla ah a rak lutmi an si. Lahwahkah thonginn ah kalpimi an si hna. Covid-19 an ngeih/lo an tesk/check hna tikah an ngei tiin fehter a si. Anmah pawl cu ramdangmi pawl he Sadao lahwahkah thonginn ah thlop an si ko lai,” tiah Thailand um Myanmar tanzung palai U Myo Myint Naing nih a chim.

Thailand ah rian a ttuanmi Kawlrammi lakah April 17 tiang ahkhan Covid-19 zawtnak ngei 17 an si i atu minung 34 he fonh ahcun 51 an si.

“Thailand ram ah a ummi Kawlrammi hna caah ka lungrethei ngai. Thailand Ngandamnak Vuanci Zung nih naite ahkhan Covid-19 zawtnak kong ah i ven ning, atu le tu kut ttawl a herhnak, khat le khat neih tukin umtti lo ding, mibu lak ah um lo ding timi le a dang theih herhmi tete zulh ding a thanh. Kawlrammi pawl zong nih cucu an zulh ve a herh,” tiah FED director U Htoo Chit nih a chim.

Nizaan ahkhan Thailand ram pumpi ah Covid-19 zawtnak ngei minung 53 an hmuh hna i cu chungah Kawlrammi 34 an i tel.

Malaysia ram ah a ummi Kawlrammi chung zongah Covid-19 zawtnak a ngeimi minung 50 hrawng an um cang.

Singapore ram zongah Covid-19 zawtnak ngei Kawlrammi 100 hrawng an um.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -