17.2 C
Hakha
Monday, July 26, 2021
- Advertisement -

Ṭial Tharmi

Malaysia in Kawlrammi 170 leng Myanmar ram ah kuat an si

Malaysia ram ah harsatnak a tongmi le lahwahkah thonginn (camp) ah a ummi Kawlrammi 170 leng cu November 23 (nizaan) ah Myanmar cozah nih vanlawng in a lak hna.

Nizaan i Myanmar ram a tlungmi lak ahhin lahwahkah camp ah a ummi Kawlrammi 50 dengmang an i tel.

“Myanmar cozah tawlrelpiakmi vanlawng in an tlung. A ngandam lomi, passport nithla a thi cangmi le naupawi nu pawl zong an i tel hna.

“A ruang phunphung ruangah Malaysia nawl ngeitu nih tlaih i lahwahkah camp ah chiahmi Kawlrammi bawhte 2, nu le pa tiin 47 zong an i tel.

“Electric thilri chuahnak sehzung dirhtu U Khin Maung Oo le KFFS i bawm in lahwahkah camp in minung 47 cu KFC kan dangh hna,” tiah KFFS chairman U San Win nih a chim.

Malaysia lahwahkah camp pawl ah thongthlakmi Kawlrammi pawl cu Myanmar Tanzung tawlrelpiak nak in tu thla thok in khan Myanmar ram ah kuat an si. Atu tiang ahcun 1,000 leng an tlung cang.

Thong chuah a za dengcangmi pawl cu vanlawng man an liam lo.

Covid-19 zawtnak um chung ah phungninglo ramdangmi pawl cu an ram tlun an duh ahcun dantat man rikhiahmi zat an liam hnu ah November 16 thok in 2021 June 30 tiang an tlung kho tiah Malaysia cozah nih a ti.

Malaysia lahwahkah nih voi dang tawn ahcun phungning lo ramdangmi pawl cu an um caan tawisau hoih in a tambik RM3,000 (+Special Pass RM100) tiang a liamter tawn hna. Nain, atu cu RM500 lawng a liamter hna.

Malaysia ram pumpi ahhin lahwahkah thonginn 13 a um i ramdangmi thongtla 20,000 hrawng an um. Kawlrammi thongtla 3,000 lengfai an um lai tiah zumh a si.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -